Përsëri probleme për Microsoft! Kompania gjobitet për shkeljen e privatësisë së të miturëve

Microsoft e gjen veten në vështirësi, ndërsa ka shpenzuar 20 milionë dollarë për të zgjidhur akuzat që i janë ngritur nga Komisioni Federal të Tregtisë (FTC). Gjigandi i teknologjisë akuzohet për një problematikë të rëndësishme mbi privatësinë, duke marrë në mënyrë të paligjshme informacionin personal të lojtarëve të mitur, pa pëlqimin e prindërve.

FTC, duke vepruar si arbitër, akuzoi Microsoft për shkelje të Ligjit për Mbrojtjen e Privatësisë në Internet të Fëmijëve (COPPA), një ligj federal që mbron privatësinë në internet të fëmijëve nën 13 vjeç. COPPA urdhëron që kompanitë t’i referohen prindërve për mbledhjen e të dhënave, të marrin aprovimin e tyre , dhe të fshijnë këto të dhëna pasi t’i kenë shërbyer qëllimit të lojtarëve.

Sipas FTC, të rinjtë e apasionuar pas lojërave regjistroheshin në shërbimin Xbox, duke ndarë emrat, adresat e emailit, numrat e telefonit, dhe datëlindjet e tyre. Microsoft, pas marrjes së këtyre të dhënave, i përdori ato për t’i shpërndare në disa kompani reklamimi. Për më tepër, edhe nëse prindërit do e frenonin procesin e regjistrimit, Microsoft-i përsëri i ruante të dhënat.

“Vetëm pas mbledhjes së atij grupi të dhënash personale nga fëmijët, Microsoft i përfshiu prindërit në proces”, vuri në dukje Lesley Fair, punonjës i FTC, në një postim të ashpër në blog.

Lexo më shumë:
Publikohet ChatGPT në iOS edhe në Shqipëri: Kujdes me politikat e privatësisë

Tani, Microsoft e gjen veten në një situatë të vështirë me FTC. Kompania duhet të lajmërojë prindërit dhe të marrë miratimin e tyre për llogaritë e krijuara përpara majit 2021. Duke mos u ndalur me kaq, Microsoft duhet të përditësojë sistemet e tij, për të fshirë të dhënat e fëmijëve nëse pëlqimi prindëror mungon, dhe të sigurojë që të dhënat që fshihen nuk janë më të dobishme për kompaninë.

Pavarësisht se Microsoft nuk ka komentuar në mënyrë zyrtare, Dave McCarthy nga Xbox, ka bërë një postim kur pranon gabimin e Microsoft. McCarthy pranoi se Microsoft “nuk i përmbushi pritshmëritë e klientëve”, duke e quajtur ruajtjen e të dhënave një “gabim teknik”, dhe duke siguruar se të dhënat “asnjëherë nuk u përdorën, nuk u shpërndanë dhe nuk kishin qëllim për të fituar para”. Ai gjithashtu u zotua për bindjen ndaj urdhrit të FTC për protokollet e shtuara të sigurisë.

Lexo më shumë:
Rasti i Img2dataset ngre pikëpyetje mbi privatësinë online

Vlen të përmendet se FTC nuk po toleron asnjë kompani. Kjo sagë e Microsoft-it shënon goditjen e tretë në muajt e fundit, pasi Amazon gjithashtu po hetohet për mbajtjen dhe ruajtjen e regjistrimeve zanore në platformën Alexa.

Në këtë betejë mbi privatësinë së fëmijëve, FTC e ka bërë të qartë, pajtueshmëria me COPPA është e panegociueshme, dhe ata që nuk e bëjnë do të përballen me pasojat.