“Frigoriferi juaj, emailet tuaja, apo edhe televizori – të gjitha transmetohen përmes një pajisjeje: ruterit tuaj Wi-Fi!” Kjo është thirrja e Agjentit Special J.R. i FBI-së, i cili është ka bërë një njoftim publik mbi rreziqet që sjellin ruterat Wi-Fi.
Në video, agjenti special J.R., duke folur për sigurinë kibernetike, vendos theksin në një pajisje që ne priremi të anashkalojmë, ruterin Wi-Fi. Ai përshkruan një situatë reale: imagjinoni ruterin tuaj si gardianin e mbretërisë suaj digjitale. Një mbretëri e mbushur me e-maile, shfletime në internet, dhe madje edhe frigoriferin tuaj inteligjent! Agjenti J.R. ka diskutuar mbi mënyrat sesi ne mund të kemi më shumë siguri në pajisjet tona.
J.R. ka prezantuar një mënyrë sesi mund të garantojmë sigurinë e ruterave tanë. “Shtypni në 192.168.0.1 ose 192.168.1.1 shfletuesin tuaj”, thotë ai. Edhe nëse nuk e dini emrin e përdoruesit, apo fjalëkalimin tuaj, pjesa e poshtme e ruterit dhe manuali i përdoruesit është vendi ku mund t’i gjeni këto të dhëna.
Gjëja e parë që duhet të bëni kur arrini të aksesoni këtë faqe është të ndryshoni fjalëkalimin e paracaktuar. Më tej, ajo që duhet bërë është kërkimi mbi përditësimet e sigurisë ose të software-it. Software i ruterit duhet të jetë gjithmonë i përditësuar, sipas J.R., për të garantuar nivele më të larta sigurie.
Lexo më shumë:
Gjysma e ruterëve të përdorur përmbajnë informacion konfidencial kur nxirren nga përdorimi
Gjithashtu, duhet të kemi parasysh diçka tjetër për të rritur sigurinë e ruterit tonë. A është protokolli i sigurisë WEP, WPA ose WPA2? Nëse protokolli i sigurisë nuk është WPA2, mbrojtja e ruterit tuaj nuk është e mjaftueshme kundër sulmeve kibernetike. Në këto raste, J.R. sugjeron ndryshimin e ruterit, për të qenë më të sigurtë.
Agjenti J.R. shpjegon se këto manovra ju mbrojnë nga bota e krimit digjital dhe kibernetik. Hakerët përpiqen shpesh që të marrin në kontroll ruterat Wi-Fi për të marrë të dhënat tuaja, ose për t’i përdorur për qëllimet e tyre.
