Ndërsa OnePlus Nord 2 përgatitet të festojë ditëlindjen e tij të dytë, bota e teknologjisë është duke pritur për versionin e ardhshëm, Nord 3. Raportimet e zbuluara nga mediat sugjerojnë se debutimi është shumë afër. Nord 3, sipas raportimeve, diskutohet se është një kopje e OnePlus Ace 2V, e cila u prezantua për tregun Kinez gjatë marsit të këtij viti.
Nëse është me të vërtetë një binjak i Ace 2V, Nord 3 pritet të ketë me një ekran me prekje prej 17 cm, me një shpejtësi rifreskimi prej 120 Hz, dhe një rezolucion prej 1240×2772 piksele. Ekrani ka të ngjarë të jetë i mbrojtur me Asahi Glass. Telefoni pritet të ketë në përbërje një konfigurim të trefishtë të kamerës në pjesën e pasme të tij – një kamera primare të fuqishme 64 MP, së bashku me një kamera ultra të gjerë 8 MP dhe një kamera makro 2 MP. Për entuziastët e selfie-ve, një kamera e përparme 16 MP mund t’i shërbejë qëllimit të tyre.
I pajisur me një bateri të madhe prej 5,000 mAh, Nord 3 pritet të vijë me një fuqi të madhe karikimi prej 80 W, që do të mundësojë një karikim shumë të shpejtë të pajisjes për përdoruesit e saj!
Nord 3 ka të ngjarë të fuqizohet nga çipi Dimensity 9000 SoC i MediaTek. Sipas raporteve të deritanishme, kjo pajisje mund të vijë me një opsion për të zgjedhur deri në 16 GB RAM, dhe deri në 512 GB hapësirë memorieje. Sistemi operativ ka të ngjarë të jetë versioni më i fundit i Android 13, me OxygenOS 13 të OnePlus, duke premtuar një përvojë të qetë dhe të përditësuar të përdoruesit.
Lexo më shumë:
HTC po rikthehet: Smartphone i ri U23 Pro 5G do të prezantohet më 18 maj
Megjithatë, jo të gjithë në Europë do të jenë në gjendje të blejnë këtë pajisje. Për shkak të një konflikti për patentën midis kompanisë mëmë të OnePlus, Oppo, dhe Nokia-s, Nord 3 nuk do të jetë i disponueshëm në Gjermani. Megjithatë, vendet e tjera europiane mund të presin promovimin e Nord 3 brenda muajit qershor, sipas raportimeve.
OnePlus Nord 3 pritet të jetë një pajisje shume efiçente, dhe popullore për përdoruesit mesatarë të pajisjeve smartphone. Duke pasur parasysh jetëgjatësinë fantastike të baterisë, specifikave që mundësojnë një performancë të lartë, dhe pritshmërive për një çmim relativisht të ulët duke u krahasuar me konkurrentët e saj, Nord 3 mund të jetë pajisja ideale për një pjesë të përdoruesëve të smartphone-ve.
