Google në rrezik: Europa mund të vendosë masa mbi dominimin e industrisë së reklamave!

Në një zhvillim që mund të trondisë tregun e reklamave të Google, Komisioni Europian (KE) ka nxjerrë disa përfundime paraprake që akuzojnë gjigandin e teknologjisë për abuzim me dominimin e tij në tregun e reklamave digjitale, dhe pengimin e konkurrencës. KE ka sugjeruar që Google mund të ketë nevojë të tërhiqet nga një pjesë të tregut të reklamave për të trajtuar këto shqetësime mbi konkurrencën.

Hetimi dyvjeçar i Komisionit Europian në sektorin e teknologjisë së reklamave të Google kulmoi me këtë vendim, i cili u bë publik gjatë ditës së sotme. Vendimi pretendon se Google kishte vendosur si prioritet shërbimet e veta të teknologjisë së reklamimit në internet, në krahasim me ato të konkurrentëve. “Pikëpamja paraprake e Komisionit është se tërheqja e Google nga një pjese e shërbimeve të saj do të adresonte shqetësimet e konkurrencës”, thuhej në një fragment nga deklarata e KE.

Google u përgjigj shpejt, duke shprehur mos dakordësinë me konkluzionet paraprake të KE-së. Dan Taylor, zëvendëspresidenti i Google për reklamat globale, mbrojti operacionet e reklamimit të kompanisë, duke deklaruar se biznesi i reklamave mbështetet në faqe interneti dhe aplikacione të ndryshme, dhe ndihmon bizneset në arritjen e klientëve. Taylor tha, “Hetimi i Komisionit fokusohet në një aspekt të ngushtë të biznesit tonë të reklamave, dhe nuk është i ri. Ne nuk pajtohemi me pikëpamjen e KE-së, dhe ne do të përgjigjemi në përputhje me rrethanat”.

Ndërsa Google-it për momentin nuk i është vendosur asnjë gjobë ose detyrim për të ndërprerë shërbimet e reklamimit, ky zhvillim është një goditje e rëndësishme. Kompania, e cila grumbulloi 224.5 miliardë dollarë të ardhura nga reklamat në vitin 2022, mbështetet shumë në këtë sektor. Të ardhurat nga reklamat gjenerohen kryesisht përmes motorit të kërkimit, dhe platformave të tilla si YouTube.

Lexo më shumë:
Chatbot-i i Google përplaset me BE-në: Ligjet e BE mbi privatësinë pengojnë publikimin europian të platformës!

Kjo sfidë lind mes konkurrencës në rritje, veçanërisht nga Microsoft. Gjigandi i software-it ka përmirësuar motorin e tij të kërkimit, Bing, me aftësitë e AI, duke paraqitur një kërcënim në rritje për Google.

Komisionerja antitrust e BE-së, Margrethe Vestager, theksoi rëndësinë e gjetjeve paraprake në një konferencë shtypi. “Sigurisht, e di që kjo është një deklaratë e fortë, por është një reflektim i natyrës së tregjeve, mënyrës se si ato funksionojnë, dhe gjithashtu arsyen pse një angazhim i të gjitha palëve është i nevojshëm për të garantuar lirinë e tregut”, tha ajo.

Lexo më shumë:
Revolucion nga Google: Shpalosja e fuqisë së AI për reklamat e personalizuara në internet

Aktgjykimi përfundimtar nga hetimi i Komisionit Europian ende nuk është shpallur. Google do të ketë mundësinë të paraqesë argumentet e tij përpara se të merret vendimi përfundimtar. Megjithatë, me hetuesit e BE-së që duket se po tregojnë se ndryshimet e thjeshta të platformës mund të mos mjaftojnë, mundësia që Google të detyrohet të shkëpusë një pjesë të biznesit të saj të reklamave duket e madhe.