WhatsApp po reagon kundër telefonatave të padëshiruara me një veçori të re që u mundëson përdoruesve të bllokojnë automatikisht thirrjet nga numra të panjohur. Aplikacioni popullor, me mbi 2 bilionë përdorues, iu përgjigj me shpejtësi rritjes së ankesave të klientëve për thirrjet e padëshiruara nga numra të ndryshëm.
Të martën, CEO i Meta-s Mark Zuckerberg, prezantoi funksionin e kalimit automatik të telefonatave në “silent”, së bashku me një mjet shtesë kontrolli të privatësisë. “Tani mund të mbyllni automatikisht thirrjet hyrëse nga kontakte të panjohura në WhatsApp, për më shumë privatësi dhe kontroll”, tha Zuckerberg.
Aktivizimi i veçorisë është i thjeshtë – përdoruesit duhet të shkojnë te “Cilësimet”, më pas “Privatësia”, e ndjekur nga “Telefonatat” dhe në fund të zgjedhin opsionin “Bllokimi i telefonuesit të panjohur”. Ndërsa do të jenë “silent”, këto thirrje nuk do të kalojnë pa u vënë re; ato do të shfaqen te njoftimet dhe në listën e telefonatave të aplikacionit me një etiketë “numri i panjohur i lënë silent”. Në këtë mënyrë, përdoruesit mund t’i rishikojnë më vonë për të përcaktuar nëse telefonatat janë bërë nga numra të njohur që nuk janë ruajtur në kontaktet e tyre.
Përveç betejës kundër thirrjeve të padëshiruara, WhatsApp ka krijuar gjithashtu një veçori të kontrollit të privatësisë, që synon fuqizimin e përdoruesve për të marrë kontrollin e cilësimeve të privatësisë. Ky mjet, i gjetur në seksionin e privatësisë, i udhëzon përdoruesit përmes masave të ndryshme të kontrollit të privatësisë si “Zgjidh kush mund të kontaktojë me ty”, “Kontrollo informacionin tënd personal”, “Shto më shumë privatësi në bisedat e tua” dhe “Shto më shumë mbrojtje në llogarinë tënde .” Nëpërmjet këtij kontrolli, përdoruesit mund të modifikojnë cilësime të tilla si vërtetimi me dy faktorë, të menaxhojnë se kush mund t’i shtojë ato në grupe, të vendosin limitin kohor për mesazhet që zhduken, dhe të kontrollojnë se cilët persona mund të shohin fotografinë e tyre të profilit.
Ky zhvillim vjen pas përditësimeve të muajit të kaluar nga WhatsApp, që synon në mënyrë specifike bllokimin e telefonatave padëshiruara. Duke forcuar kapacitetet e saj të machine learning për zbulimin e këtyre problematikave, kompania parashikon një ulje prej 50% të thirrjeve të padëshiruara.
WhatsApp po bën hapa përpara në përmirësimin e privatësisë së përdoruesëve dhe frenimin e thirrjeve të padëshiruara. Funksioni i ri i kalimit në “silent” për thirrjet e panjohura është një dëshmi e përkushtimit të WhatsApp për të ofruar në bazën e saj të gjerë të përdoruesve një përvojë komunikimi më të sigurt dhe pa problematika.
