BE vendos rikthimin e baterive të zëvendësueshme!

Bashkimi Europian (BE) po e drejton botën e teknologjisë drejt një të ardhmeje të gjelbër, duke siguruar që konsumatorët të mund të zëvendësojnë lehtësisht bateritë në telefonat e tyre dhe pajisjet e tjera. Parlamenti Europian i ka dhënë dritën jeshile një grupi të ri rregulloresh që do të ndikojnë ndjeshëm në projektimin, prodhimin dhe riciklimin e baterive të rikarikueshme brenda BE-së.

Sipas rregullave të miratuara se fundmi, automjetet elektrike, skuterët elektrikë dhe bateritë industriale të rikarikueshme (mbi 2 kWh) do të detyrohen të kenë një përshkrim të gjurmës së karbonit, dhe gjithashtu një etiketë dhe pasaportë digjitale. Kur bëhet fjalë për “bateritë portative” të përdorura në telefonat inteligjentë, tabletet dhe kamerat, rregullat kërkojnë që këto bateri të jenë të dizajnuara për heqje dhe zëvendësim të lehtë nga konsumatori.

Kjo kërkesë duket se do të sjellë një revolucion të dizajnit të pajisjeve midis prodhuesve. Aktualisht, shumë kompani mbyllin bateritë brenda pajisjeve, duke kërkuar mjete të specializuara dhe ekspertizë për zëvendësim të sigurt.

Apple, një ndër kompanitë më të mëdha në këtë treg, tashmë është detyruar nga BE për të zëvendësuar portën “Lightning” me një port USB-C në iPhone-ët e saj. iPhone 15 pritet të jetë telefoni i parë i Apple që do të përdorë këtë model. Tani, duket se Apple, së bashku me prodhuesit e tjerë të telefonave inteligjentë, do të duhet të rimendojnë mënyrën e vendosjes së baterisë në modelet e tyre.

Artikull i ngjashëm:
Kompanitë teknologjike bëhen bashkë për të shpëtuar planetin: Shndërrimi i varrezave të mbetjeve elektronike në miniera ari!

Përveç ndryshimeve të dizajnit, rregulloret kërkojnë zbatimin e objektivave të rrepta për grumbullimin e mbetjeve dhe rikuperimin e materialeve nga bateritë e vjetruara. Deri në vitin 2031, duhet të realizohet 61% e grumbullimit të mbetjeve, dhe 95% e rikuperimit të materialeve nga bateritë e vjetra portative. Rregulloret kërkojnë gjithashtu nivele minimale të përmbajtjes së pa riciklueshme në bateritë e reja, të vendosura për të hyrë në fuqi tetë vjet pas zbatimit të rregullores.

Rregullat e reja morën miratimin në Parlamentin Europian, me 587 vota pro, vetëm nëntë kundër dhe 20 abstenime. Këshilli Europian tani pritet të miratojë zyrtarisht rregulloren, përpara publikimit të saj në Gazetën Zyrtare të BE-së dhe zbatimit të mëvonshëm. Sipas Android Authority, rregulloret janë planifikuar të hyjnë në fuqi në fillim të vitit 2027, megjithëse BE-ja mund t’u japë prodhuesve kohë shtesë për të siguruar pajtueshmërinë me këto rregulla, nëse do të jetë e nevojshme.

Artikull i ngjashëm:
Rritja e energjisë së gjelbër: IEA parashikon rritje rekord të energjisë së rinovueshme gjatë krizës globale të energjisë

Për më tepër, Parlamenti Europian po diskuton mbi bateritë portative jo të rikarikueshme, me plane për të vlerësuar deri në fund të vitit 2030 nëse këto duhet të hiqen plotësisht. Ky zhvillim legjislativ nënvizon përkushtimin e BE-së për qëndrueshmërinë mjedisore dhe fuqizimin e konsumatorëve në fushën e teknologjisë, duke krijuar një situatë për ndryshime potenciale globale.