Gannett kundër Google: Betejë mbi Monopolin e Reklamimeve Digjitale

Gannett, botuesi më i madh i gazetave në Shtetet e Bashkuara, po padit gjigandin e teknologjisë Google, duke pretenduar se ka krijuar një monopol mbi tregun e reklamave digjitale. Padia, e cila u regjistrua në një gjykatë federale të New York-ut të martën, kërkon dëmshpërblim të papërcaktuar.

Gannett, botues i USA Today dhe më shumë se 200 mediave lokale, argumenton se Google dhe kompania e saj mëmë, Alphabet, kanë kontroll total mbi mënyrën se si botuesit blejnë dhe shesin reklama në internet. Sipas padisë, ky kontroll po shkakton reduktim të ndjeshëm të të ardhurave si për botuesit, ashtu edhe për konkurrentët e Google në teknologjinë e reklamave. Ndërkohë, sipas Gannett, Google po arrin të regjistrojë fitime të konsiderueshme nga monopoli.

Google zotëron një pjesë të konsiderueshme të tregut të reklamave digjitale në SHBA, afërsisht 25%, sipas analizës së eMarketer. Kjo shifër është e barabartë me trefishin e pjesës së tregut të zotëruar nga Meta, Amazon dhe TikTok, të kombimuara së bashku. Pjesa e mbetur prej 40% është e zënë nga botuesit e lajmeve dhe faqet e tjera të internetit. Edhe pse pjesa e Big Tech ka filluar të shohë një rënie të vogël, Google mbetet lojtari më dominues në tregun individual.

Kjo fuqi do të thotë që botuesit shpesh varen, të paktën pjesërisht, nga teknologjia e reklamimit të Google për të përmirësuar operacionet e tyre. Gannett ka raportuar se Google dominon 90% të tregut të reklamave të botuesëve.

Artikull i ngjashëm:
Revolucion nga Google: Shpalosja e fuqisë së AI për reklamat e personalizuara në internet

Michael Reed, Kryetar Bordi dhe CEO i Gannett, deklaroi të martën se dominimi i Google mbi industrinë e reklamave në internet ka ardhur “në kurriz të botuesve, lexuesve dhe të gjithë të tjerëve”. Ai gjithashtu theksoi se reklamimi digjital është thelbësor për ekonominë online, dhe pa hapësirën e lirë dhe konkurruese të reklamave digjitale, botuesit nuk mund të investojnë në redaksitë e tyre.

Zëvendëspresidenti i Google për reklamat globale, Dan Taylor, u mbrojt kundër pretendimeve të padisë, duke pohuar se ato ishin “thjesht të gabuara”. Ai theksoi se botuesit kanë një mori zgjedhjesh për përdorimin e teknologjisë së reklamave për të fituar para, duke përfshirë Google Ad Manager, midis shumë shërbimeve konkurruese të reklamave. Ai gjithashtu vuri në dukje se botuesit ruajnë shumicën e të ardhurave kur përdorin mjetet e Google.

Artikull i ngjashëm:
Chatbot-i i Google përplaset me BE-në: Ligjet e BE mbi privatësinë pengojnë publikimin europian të platformës!

Taylor deklaroi se Google do t’i demonstrojë gjykatës se si produktet e tyre reklamuese ndihmojnë botuesit, dhe ndihmojnë në financimin e përmbajtjes së tyre në internet.

Kjo padi nga Gannett është një nga disa ankesat e fundit antitrust kundër Google në Shtetet e Bashkuara dhe Bashkimin Evropian (BE), duke synuar kryesisht biznesin e saj të reklamave, që është burimi i tij qendror i të ardhurave.

Artikull i ngjashëm:
Google në rrezik: Europa mund të vendosë masa mbi dominimin e industrisë së reklamave!

Zyrtarët e BE-së propozuan javën e kaluar që biznesi i reklamave të Google duhet të ndahet, duke pretenduar se përfshirja e tij në pjesë të shumta të zinxhirit të furnizimit të reklamave digjitale krijon “konflikte të rëndësishme interesi” që mund të dëmtojnë konkurrencën.

Në fillim të këtij viti, si Departamenti i Drejtësisë, ashtu edhe tetë shtete paditën Google, duke e akuzuar atë për minimin e konkurrencës në tregun e reklamave në internet, dhe në mënyrë të ngjashme duke bërë thirrje për të ndalur dominimin e Google në treg.