Seagate vendos të thyejë rekorde me hard drive-in novator 30 TB

Ndërsa konsumatorët zgjedhin gjithnjë e më shumë SSD-të, disa prodhues, si Seagate, po i përqendrojnë përpjekjet e tyre për të rritur kapacitetin e hard drive-ve. Kompania është në prag të thyerjes së barrierës së 30 TB me teknologjinë e saj të re, e cila do të publikohet gjatë këtij viti.

Gjatë një konference të ditëve të fundit, Seagate zbuloi planet e saj për të nxjerrë në treg hard drive-et me një kapacitet që tejkalon 30 TB, si për konsumatorët e biznesit, ashtu edhe për konsumatorët individualë deri në fund të vitit. I pari i këtij lloji është një hard drive me memorie prej 32 TB, i mundësuar nga teknologjia e regjistrimit magnetik të asistuar nga nxehtësia (HAMR). Ky hard drive do të jetë në dispozicion të publikut së shpejti, me plane për të zgjeruar gradualisht kapacitetin në të ardhmen e afërt.

Hard drive-et më voluminoze HAMR të Seagate do të përbëhen nga 10 pjesë, ku secila pjesë në modelin 32 TB përmban 3.2 TB. Përmirësimi i teknologjisë HAMR do të ndihmojë në rritjen e qëndrueshme të kapacitetit të çdo pjese, fillimisht në 3,6 TB për disqe 36 TB, më pas 4 TB për hard drive 40 TB. Kompania po teston gjithashtu pjesë 5TB, të cilat potencialisht mund të bëhen pjesë hard drive-eve 50TB (HDD).

Qasja e Seagate mund të revolucionalizojë tregun duke ofruar hard drive më të mëdha pa nevojën për të shtuar më shumë pjesë, duke minimizuar në mënyrë efektive çdo rritje të madhësisë së tyre fizike. Lëshimi i produkteve të bazuara në HAMR do të lejojë gjithashtu krijimin e hard drive-eve më kompakte që mund të ruajnë sasi të mëdha të dhënash.

Artikull i ngjashëm:
Lajm i mirë për prodhuesit e PC, ulen çmimet për pajisjet e memories

Hard drive-et më të mëdha kanë shumë të ngjarë t’u shërbejnë klientëve të qendrës së të dhënave cloud, dhe hard drive-et më të vogla do të synojnë konsumatorët. Kjo teknologji mund të rrisë fitimet e Seagate dhe t’u mundësojë konsumatorëve më shumë fitime.

Teknologjia HAMR i jep nxehtësi për një kohë të caktuar hard drive-eve për të rritur densitetin e të dhënave të ruajtura, ndërkohë që ruan stabilitetin termik dhe magnetik. Seagate po kalon plotësisht në këtë teknologji të re, duke ndërprerë zhvillimin e regjistrimit magnetik tradicional (PRM/CMR) me 2.4 TB për pjesë.

Artikull i ngjashëm:
Kompanitë teknologjike bëhen bashkë për të shpëtuar planetin: Shndërrimi i varrezave të mbetjeve elektronike në miniera ari!

Aktualisht, HDD-të më të mirë të linjës IronWolf Pro të Seagate ofrojnë një kapacitet maksimal prej 22 TB. Kompania planifikon të lëshojë një HDD 24 TB gjatë këtij viti, duke publikuar produktin e fundit të serisë së tyre të hard drive-eve PMR. Një model 28 TB, duke përdorur Regjistrimin Magnetik Shingled, është aktualisht i disponueshëm, por të gjitha modelet e mëvonshme do të përdorin teknologjinë HAMR.

Në një mënyrë të ngjashme, Western Digital po përdor gjithashtu HAMR për të shkuar drejt prodhimit të hard drive-eve 30TB dhe 40TB në një afat kohor që përputhet me atë të Seagate. Udhërrëfyesi i Seagate përfshin plane për hard drive-et HAMR 40 TB deri në vitin 2025, me variante 50 TB të parashikuara për vitin 2026 dhe një objektiv ambicioz 100 TB deri në fund të dekadës.