Threads po përballet me humbje të numrit të përdoruesëve

Platforma e re sociale e Meta-s, Threads, po përballet me tkurrjen e numrit të përdoruesve, pasi raportohet se mbi gjysma e të regjistruarëve të platformës kanë ndaluar së përdoruri atë në mënyrë aktive, zbuloi CEO i Meta, Mark Zuckerberg. I publikuar më 5 korrik, Threads tërhoqi shpejt mbi 100 milionë përdorues brenda pesë ditëve, duke u nisur nga pakënaqësia me Twitter-in e Elon Musk.

Ndërsa një regjistrim kaq i madh në mënyrë ideale do të përkthehej në angazhim të qëndrueshëm të përdoruesëve, Zuckerberg pranoi se ata nuk e kanë arritur ende këtë qëllim. Të dhënat nga SimilarWeb tregojnë një rënie të ndjeshme të përdoruesve aktivë të përditshëm të Threads në Android, duke rënë nga 49 milionë në 7 korrik, në vetëm 12.6 milionë deri më 23 korrik. SimilarWeb parashikon se tendenca e përdorimit midis përdoruesve të iOS do të ndjekë një model të ngjashëm.

Pavarësisht largimit të përdoruesve, Threads fillimisht fitoi popullaritet me lidhjet e ngushta me Instagram. Sidoqoftë, SimilarWeb sugjeron që zhvilluesit do të duhet të përfshijnë veçori që mungojnë dhe shtesa unike për të krijuar një zakon përdorimi më të rregullt të përdoruesit.

Artikull i ngjashëm:
Threads zëvendëson Twitter: 30 milionë regjistrime në 24 orë!

Edhe pse rënia e konsiderueshme e përdoruesve mund të jetë një lajm negativ, Zuckerberg u shpreh se mbajtja e përdoruesve ka tejkaluar pritjet e drejtuesve të Meta. Ai parashikon që mbajtja e përdoruesve të rritet pasi shtohen më shumë veçori, si versioni i desktopit dhe funksionaliteti i kërkimit.

Përgjegjësi i produktit të Meta-s, Chris Cox, foli për përditësimet e platformës, siç është integrimi i përmirësuar me Instagram-in për të nxjerrë më në pah Threads. Threads funksionon si pjesë e platformës Instagram të Meta-s, duke u mundësuar përdoruesve të krijojnë një profil Threads përmes llogarisë së tyre në Instagram.

Artikull i ngjashëm:
Threads tejkalon 100 milionë përdorues, trafiku në Twitter merr një goditje të rëndë

Kur u pyet për gjendjen aktuale të Threads, Zuckerberg shprehu optimizëm për trajektoren dhe shkallën e rritjes së platformës. Megjithatë, ai pranoi nevojën për përmirësim në funksionalitetin bazë dhe mbajtjen e përdoruesve përpara se të fokusohej në rritjen e komunitetit dhe fitimin e parave. Kompania synon të imitojë suksesin që kanë pasur me platforma të tjera si Facebook, Instagram dhe WhatsApp.

Zuckerberg sugjeroi se reagimi kundër ndryshimeve të Musk në Twitter, tani “X”, luajti një rol në suksesin fillestar të Threads. Ai pranoi se tërheqja e përdoruesve në aplikacione të pavarura ka qenë një sfidë për Metën në të kaluarën.

Artikull i ngjashëm:
Threads: Rivali i Twitter sheh rënie të angazhimit të përdoruesve pas bumit fillestar

Aktualisht, Threads është i disponueshëm në rreth 100 vende, duke përfshirë SHBA dhe Mbretërinë e Bashkuar. Megjithatë, Threads nuk është ende i disponueshëm në Bashkimin Europian për shkak të shqetësimeve mbi pajtueshmërinë me rregulloret e BE-së. Aplikacioni është përballur me kritika për shkak të sasisë së të dhënave personale që mbledh, duke u konsideruar si një “mankth privatësie”.