Mikroçipet e fuqizuara nga AI shpëtojnë të paralizuarin

Një provë klinike revolucionare, që përfshin mikroçipet e fuqizuara nga AI, ka lehtësuar rikuperimin e lëvizjeve dhe ndjesive te një burrë i paralizuar. Keith Thomas, i cili humbi të gjithë lëvizjet dhe ndjesitë poshtë gjoksit pas një aksidenti, filloi të përjetonte përmirësime të rëndësishme në funksionet e kyçit të dorës dhe krahut, vetëm disa muaj pas vendosjes së mikroçipeve në tru.

Chad Bouton, një profesor në Institutin Feinstein dhe drejtuesi kryesor i provës klinike, tha: “Kjo është hera e parë që truri, trupi dhe palca kurrizore janë lidhur së bashku në mënyrë elektronike në një njeri të paralizuar për të rivendosur lëvizjen dhe ndjesinë e qëndrueshme”.

Ekipi në Northwell Health në New York filloi këtë rehabilitim novator duke skicuar trurin e Thomas përmes Rezonancave Magnetike funksionale. Ata identifikuan rajonet e sakta që kontrollojnë lëvizjet e krahut të tij dhe perceptimin e prekjes së duarve. Operacioni i mëpasshëm prej 15-orësh përfshinte vendosjen e dy çipave në tru për të rifilluar lëvizjen, dhe tre të tjerave për të rivendosur prekjen dhe ndjesinë në gishtat e tij.

Koka e Thomas ishte gjithashtu e pajisur me porte të jashtme për t’u lidhur me një sistem AI të aftë për të përkthyer aktivitetin e trurit në veprime fizike, një proces i njohur si terapi e drejtuar nga mendimi.

Artikull i ngjashëm:
OKB-ja jep alarmin mbi kërcënimin e mundshëm të neuroteknologjisë ndaj mendimeve njerëzore

Ky sistem AI interpreton komandat mendore të Thomas në sinjale të marra nga elektrodat e pozicionuara mbi shtyllën kurrizore dhe muskujt e parakrahut të tij për të shkaktuar lëvizjen. Sensorë shtesë në majat e gishtave dhe pëllëmbët e tij transmetojnë presionin në zonën përkatëse të trurit të tij.

Çuditërisht, pas vetëm katër muajsh nga kjo terapi novatore, Thomas rifitoi ndjesinë e mjaftueshme në gishtat dhe pëllëmbën e tij për të shtrënguar dorën e motrës së tij. Ai gjithashtu shfaqi më shumë se dyfishin e forcës në lëvizjet e krahut në krahasim me periudhën paraardhëse.

Artikull i ngjashëm:
Moment historik për Neuralink: FDA miraton Testet Humane për implantimet në tru

Studiuesit kanë vëzhguar një rikuperim natyror mbresëlënës që mund të zvogëlojë disa efekte të dëmtimit të shtyllës kurrizore, me ose pa përdorimin e vazhdueshëm të sistemit të mikroçipeve.

Potenciali i kësaj teknologjie të re është i jashtëzakonshëm, sipas ekipit të Northwell Health. Ai demonstron mundësinë e rindërtimit të rrugëve nervore të trurit pa u mbështetur në farmaceutikë. Për Thomas, përparimi i bërë deri tani ka qenë transformues.

Artikull i ngjashëm:
Kirurgët amerikanë shkruajnë historinë duke bërë transplantin e parë robotik të mëlçisë

Thomas tha, “Ishte një periudhë që nuk e dija nëse do të jetoja, apo nëse doja, sinqerisht. Dhe tani, mund të ndjej prekjen e dikujt që më mban dorën. Nuk mund të gjej fjalët për ta shpjeguar”.

Teknologjitë e tilla kanë filluar të marrin vëmendje të veçantë vitet e fundit, me Neuralink që ka marrë miratimin për të filluar provat klinike për vendosjen e mikroçipeve në tru.

Artikull i ngjashëm:
Revolucion në Mjekësi: Transplanti i parë robotik i mushkërive në botë kryhet nga kirurgët spanjollë

Gjithsesi, zhvillime të tilla shpesh janë pritur me shume skepticizëm nga komunitete të ndryshme, kështuqë mund të duhet edhe pak kohë për të parë impakt më të qartë të kësaj teknologjie.