Gjigandi i pajisjeve të memories, Western Digital, është nën akuzë, duke u përballur me një padi mbi pretendimet se SSD-të e tij, SanDisk Extreme, kanë fshirë të dhënat e përdoruesëve duke keqfunksionuar, edhe pasi kompania publikoi një rregullim të supozuar.
SanDisk, një markë e Western Digital, ka qenë një rekomandim kryesor në shumë faqe të rishikimit të pajisjeve teknologjike, sidomos për SSD-të e tij portative Extreme V2 dhe Extreme Pro V2. Këto SSD kanë tërhequr vëmendje të gjerë, duke i bërë ato një zgjedhje popullore për ata që janë në treg për disqet portative.
Megjithatë, problemet filluan të shfaqen kur disa përdorues, duke përfshirë Lee Hutchinson nga Ars Technica, raportuan se disqet fshinin spontanisht të dhënat, duke i bërë të palexueshme, ose shfaqnin gabime leximi dhe shkrimi. Disa përdorues pretenduan se disqet e tyre u fshinë pas një shkëputjeje dhe rilidhjeje të thjeshtë. Dhe, pavarësisht përpjekjeve për të fshirë ose riformatuar këto disqe, problemet vazhduan.
Artikull i ngjashëm:
Seagate vendos të thyejë rekorde me hard drive-in novator 30 TB
Për gati katër muaj, ankesat ishin të dukshme në forumet e SanDisk dhe Reddit, përpara se Western Digital të prezantonte përfundimisht një rregullim firmware në fund të majit. Ndërsa Western Digital pohoi se produktet aktuale nuk ishin prekur, dukej se kompania mbylli një sy ndaj bollëkut të ankesave të përdoruesve në lidhje me të dhënat e humbura.
Nuk kaloi shumë, dhe përsëri u shfaqën pretendimet se problemi vazhdonte, madje edhe pas rregullimit. Media e famshme digjitale, The Verge, dhe disa përdorues të Reddit pretenduan se disqet e tyre ende nuk funksiononin siç duhet. Western Digital mbeti i heshtur, duke injoruar kërkesat për komente mbi këto çështje të rinovuara.
Artikull i ngjashëm:
Lajm i mirë për prodhuesit e PC, ulen çmimet për pajisjet e memories
Por heshtja nuk është më një opsion.
Nathan Krum ka ngritur një padi kundër Western Digital, duke përfaqësuar edhe konsumatorë të tjerë që, që nga janari 2023, blenë disa modele të SSD-ve SanDisk Extreme, Extreme Pro dhe Western Digital My Passport. Çuditërisht, ankesa e tij përfshin modele që fillimisht nuk ishin renditur si problematike nga kompania.
Padia e Krum orientohet rreth pajisjes së memories 2TB Extreme Pro, duke deklaruar se pas keqfunksionimit të tij, disku u bë i paaksesueshëm, duke e bërë në thelb të padobishëm. Paaftësia e Krum për të siguruar një rimbursim të plotë, së bashku shpenzimet shtesë të bëra duke u përpjekur për të rikthyer të dhënat e humbura, ose për të marrë një pajisje zëvendësuese, bënë që Krum t’i drejtohej gjykatës.
Artikull i ngjashëm:
Samsung prezanton DRAM-in e parë GDDR7
Në thelb të padisë është pretendimi se Western Digital me vetëdije mashtroi konsumatorët mbi cilësinë e produkteve të tyre. Pavarësisht përditësimeve të firmware, ankesat sugjerojnë që disqet mbetën me defekt.
Ankesa e Krum shpjegon, “SanDisk Extreme Pro SSD nuk përputhen me funksionalitetin e tyre kryesor.” Fushata e marketingut e Western Digital synon në mënyrë specifike fotografët dhe krijuesit, megjithatë një numër i konsiderueshëm ankesash vijnë nga ky komunitet, ku përfshihen edhe redaktorët e videove.
Artikull i ngjashëm:
Nvidia RTX 4060 Ti 16 GB: Një konkurrent i fuqishëm apo një përditësim i vogël në teknologjinë e lojërave?
Ndërsa padia po fillon të marrë formë, duke kërkuar kompensim për dëmet dhe tarifat ligjore, është e qartë se besimi në pajisjet e memories është parësor. Dhe, Western Digital mund të ketë rrezikuar reputacionin e kompanisë mes bazës së saj më besnike të përdoruesve.
