Ndërsa në Shqipëri diskutohet ende nëse lejet e drejtimit të mjetit jepen në mënyrë korrekte apo jo, Amerikanët janë një hap përpara dhe së shpejti do të miratojnë edhe versionin digjital të patentave. Rregulli i ri do të hyjnë në fuqi në varësi të shtetit, por ajo që dihet është se së shpejti shumë qytetarë amerikanë do të mund të qarkullojnë me mjetet e tyre duke përdorur këto lloj patentash.
Kjo ndodh në një kohë kur kompanitë e mëdha të teknologjisë si Apple dhe Google (në Beta) po ofrojnë mundësinë për të ruajtur ID-në tuaj në celular, që do të thotë se përdorimi i patentëve dixhitale të shoferit është një nevojë në rritje!
Çfarë është një leje drejtimi (patentë) dixhitale?
Një patentë digjitale është një version i sigurt i patentës suaj fizike të shoferit ose kartës së identitetit që mund të ruhet në telefonin tuaj celular.
Përdoruesit e iPhone dhe Android tashmë mund të ruajnë gjëra të tilla si kartat e kreditit, biletat e avionit, çelësat e hotelit dhe biletat e eventeve në portofolet dixhitale. Në të njëjtën mënyrë, një patentë digjitale ju mundëson qasje të lehtë në licencën ose ID-në tuaj në pajisjen tuaj.
Ajo nuk është vetëm një kopje dixhitale ose foto e patentës së shoferit; por do të jetë një dokument i sigurt, i pranuar nga shteti, për të verifikuar identitetin tuaj në mënyrë dixhitale përmes një aplikacioni ose nga smartphone-i juaj.
Kini parasysh, megjithatë, se një patentë digjitale nuk është një zëvendësim për licencën ose ID-në tuaj, por më tepër një gjë komplementare.
