E mbani mend BlackBerry-n?
Me siguri shumë prej jush e kanë pasur një celular të tillë në ditët e tij të lavdisë. Lavdi e cila nuk zgjati shumë prej momentit kur Steve Jobs vendosi të shkundte tregun me prurjen e tij jetëgjatë -iPhone.
Në ditët e sotme, përveç një numri të vogël përdoruesish të Sony, Huawei apo Xiaomi, pjesa tjetër e njerëzve përdorin iPhone ose Android nga Google apo Samsung dhe është e rrallë të gjesh dikë që përdor ende një Blackberry.
Por mesa duket, këngëtari i njohur kubano-Amerikan Pitbull, nuk hoqi kurrë dorë nga besnikëria e tij për këtë markë . Po, Pitbull po jeton në një epokë tjetër dhe arsyet e tij mund t’ju habisin.
Reperi i ‘International Love’, në një program në radio, tregoi telefonin e tij në tavolinë, ndërsa drejtuesi i emisionit e pyeti: “Çfarë telefoni është? A është ky një BlackBerry?”
Dhe ylli i muzikës tha: “Po, por kujdes, vitin tjetër do të jem me një flip phone!”
“Dhe e dini çfarë më lejon ky të bëj? Më lejon të qëndroj i përqendruar dhe nuk lejon që zhurma të hyjë.”
Megjithatë, kjo do t’ju çudisë, por Pitbull ka folur edhe më parë për lidhjet ‘biblike’ të iPhone, duke thënë: “Unë nuk jam një njeri fetar, unë besoj në Zot.
“Por një nga historitë në Bibël, një nga historitë më të famshme është, çfarë?”
Tani përgatituni për të bërë lidhjen me iPhone…
Ai vazhdoi: “Adami dhe Eva. Çfarë kafshoi Eva? Ajo kafshoi mollën.
“Shikoni logon në tcelularët tuaj. Është një mollë e kafshuar.”
Në diskutim të tjerët habitën me këtë këndvështrim dhe njëri prej tyre tha se gjithnjë kishte menduar se kur je ulur duke mbajtur telefonin është sikur po i ‘lutesh’ atij.
Dhe Pitbull shtoi: “Është një “cell phone”, është një cell (qeli) për një arsye – je i burgosur në një telefon, je i mbërthyer në një qeli.”Unë jam ende me një BlackBerry.”
Duket se veç tij, ka shumë njerëz që besojnë se logoja e Apple mund të shihet si një simbol i tundimit.
