Aitana, modelja e parë spanjolle e krijuar nga inteligjenca artificiale, lindi në mes të një periudhe të vështirë.
Verën e kaluar, Rubén Cruz, projektuesi i saj dhe themeluesi i agjencisë The Clueless, po kalonte një problem të vështirë sepse nuk kishte shumë klientë.
“Ne filluam të analizonim se si po punonim dhe kuptuam se shumë projekte po viheshin në pritje ose anuloheshin për shkak të problemeve jashtë kontrollit tonë. Shpesh ishte faji i influencerit ose modelit dhe jo për shkak të çështjeve të dizajnit,” tha Cruz për Euronews.
Kështu ata vendosën të krijonin influencerin e tyre për ta përdorur si model për markat që iu afruan.
Ata krijuan Aitanën, një grua në dukje 25-vjeçare me flokë rozë nga Barcelona, pamja fizike e së cilës është afër perfeksionit. Modelja virtuale mund të fitojë deri në 10,000 euro në muaj, sipas krijuesit të saj, por mesatarja është rreth 3,000 euro. Madje ajo numëron më shumë se 120k në profilin e saj në instagram.
“E krijuam Aitanën që të mund të bënim një jetesë më të mirë dhe të mos varemi nga njerëzit e tjerë që kanë ego, që kanë mani, ose që thjesht duan të fitojnë shumë para duke pozuar”, thotë Cruz.
