Platforma X, kompania e mediave sociale e njohur më parë si Twitter, mund të humbasë deri në 75 milionë dollarë të ardhura nga reklamat deri në fund të vitit pasi dhjetëra marka të mëdha mund ndalojnë fushatat e tyre të marketingut pasi pronari i saj, Elon Musk, miratoi një teori konspirative antisemitike këtë muaj.
Dokumentet e brendshme të shikuara nga një reporter i The New York Times këtë javë tregojnë se kompania është në një pozitë më të vështirë se sa dihej më parë dhe se shqetësimet për Musk dhe platformën janë përhapur shumë përtej kompanive, përfshirë IBM, Apple dhe Disney, të cilat ndaluan fushatat e tyre reklamuese në X javën e kaluar. Dokumentet listojnë më shumë se 200 njësi reklamash të kompanive si Airbnb, Amazon, Coca-Cola dhe Microsoft, shumë prej të cilave kanë ndaluar ose po mendojnë të ndalojnë reklamat e tyre në rrjetin social.
Që nga blerja prej 44 miliardë dollarësh e Z. Musk të Twitter-it vitin e kaluar, disa marka kanë hezituar të reklamojnë në platformë, të shqetësuara me sjelljen e zotit Musk dhe vendimet e moderimit të përmbajtjes, të cilat kanë çuar në një rritje të përmbajtjeve nxitëse dhe urrejtëse.
Ngrirjet e reklamave vijnë gjatë tre muajve të fundit të vitit, që tradicionalisht është tremujori më i fortë i kompanisë së mediave sociale, pasi markat organizojnë promovime festash për ngjarje të tilla si e premtja e zezë dhe e hëna kibernetike.
