12 vjeçarja bie në koma pas përdorimit intensiv të cigareve elektronike (FOTO)

“Mos filloni kurrë të përdorni cigare elektronike”, thotë një vajzë 12-vjeçare me dëmtim të mushkërive.

Një vajzë 12-vjeçare, e cila pësoi një kolaps në mushkëri dhe kaloi katër ditë në koma të induktuar, i tha BBC-së se fëmijët nuk duhet të fillojnë kurrë të përdoring atë që edhe në Shqipëri quhej si ‘Vape’.
Sarah Griffin kishte astmë dhe ishte një përdoruese e rregullt e vape kur u dërgua me urgjencë në spital për probleme me frymëmarrjen.
Nëna e saj Mary i tha BBC-së se kishte frikë se do të humbiste vajzën e saj.

Dhoma e gjumit e Sarah Griffin në shtëpinë e saj në Belfast është si ajo e shumicës së vajzave 12-vjeçare – një tavolinë e mbushur me make-up, shishe parfumi dhe stilues flokësh, me disa lodra të fëmijërisë në shtrat.
Por kjo është ajo ku Sarah gjithashtu fshihte cigaret elektronike nga nëna e saj – madje duke bërë vrima në tapet për t’i mbajtur ato të fshehura.
Sarah kishte filluar të përdorte cigare elektronike kur ishte vetëm nëntë vjeç.
Mamaja e saj Mary u përpoq ta ndalonte – duke e kontrolluar kur ajo kthehej në shtëpi, duke i konfiskuar edhe telefonin e saj – por asgjë nuk funksionoi.
Deri në verë, Sarah po përdorte vape me 4000 (puffs) përdorime (një vape i zakonshëm përmban 600 pëdorime) në vetëm disa ditë.

Ishte gjëja e parë që ajo bënte në mëngjes dhe gjëja e fundit që bënte natën – duke fjetur me cigaret elektronike nën jastëk.
Edhe pse është e paligjshme t’i shesësh këto produkte kujtdo nën moshën 18 vjeç, Sarah i bleu pa recetë dhe u bë e varur nga nikotina.
Astma e Sarës dhe fakti që ajo nuk ishte e mirë në përdorimin e inhalatorit të saj parandalues e vuri atë në rrezik të komplikimeve.

Në fillim të shtatorit, ajo gjithashtu pati një ftohje në kokë, dhe kur u kombinua me përdorimin e vape, gjithçka u shtua në atë që mjeku i Sarës e përshkruan si një “stuhi perfekte”.
“Shumë faktorë rreziku po shkonin në drejtimin e gabuar,” thotë Dr Dara O’Donoghue, pediatre në Spitalin Royal Belfast për Fëmijët e Sëmurë.
Sarah u bë keq dhe u dërgua në spital, ku një radiografi e mushkërive të saj tregoi se vetëm njëra po punonte siç duhet – dhe ajo nuk po i përgjigjej trajtimit.
Brenda pak orësh ajo ishte në kujdes intensiv – dhe menjëherë pas kësaj u fut në një koma të induktuar, me shpresën se gjendja e saj do të stabilizohej.
Për Marinë, ishte një moment dëshpërimi.
“Nuk ka absolutisht asnjë fjalë për të përshkruar kur mendoni se fëmija juaj do të vdesë.”/ BBC