Për të qenë të qartë, panelet diellore transparente tingëllojnë shumë mirë për të qenë të vërteta.
Ato kanë potencialin për t’i transformuar qytetet nga përdoruesit kryesorë të energjisë tek ofruesit e energjisë dhe mund të sjellin një epokë të re të revolucionit të energjisë së pastër duke ruajtur tokat bujqësore dhe habitatet natyrore.
Dhe, ndërsa bota përpiqet drejt një të ardhmeje me karbon të ulët për të frenuar efektet më të këqija të ndryshimeve klimatike, energjia diellore duhet të jetë pa dyshim një nga aleatët tanë më të fortë. Por sa të zbatueshme janë teknologjitë transparente diellore? A mund të gjenerojmë me të vërtetë energji elektrike nga dritaret e zyrave, shtëpive, çatisë së makinës apo edhe telefonave inteligjentë? Le të eksplorojmë.
Çfarë është ‘energjia diellore transparente’?
Energjia diellore transparente është një teknologji e fundit që mbledh dhe përdor energjinë e dritës përmes dritareve ose çdo sipërfaqe xhami, pavarësisht nga këndi. Ajo ka potencialin të jetë një game changer në drejtim të zgjerimit të fushës së energjisë diellore.
Për sa i përket inxhinierisë, studiuesit kanë krijuar disa mjete të teknologjisë diellore transparente. Megjithatë, në përgjithësi, shumica e tyre funksionojnë më shumë si një përqendrues diellor transparent, që do të thotë se janë krijuar për të thithur gjatësi vale specifike UV dhe rreze infra të kuqe që nuk janë të dukshme me sy të lirë dhe i transformojnë ato në energji të aftë për të fuqizuar elektronikën.
Kjo teknologji quhet gjithashtu xhami fotovoltaik, dhe është prodhuar për të ofruar një nivel të larmishëm transparence. Në vitin 2014, studiuesit në Universitetin Shtetëror të Miçiganit (MSU) zhvilluan koncentratorin e parë diellor tërësisht transparent, i cili mund të konvertonte pothuajse çdo fletë xhami ose dritare në një qelizë PV.
Dhe deri në vitin 2020, shkencëtarët në Shtetet e Bashkuara dhe Evropën kanë arritur transparencë 100 për qind për xhamin diellor, duke na sjellë një hap më afër qëllimit për një të ardhme të qëndrueshme që nuk mbështetet në rrjetin e industrisë së karburanteve fosile.
