Marka luksoze franceze Louis Vuitton prezantoi çantën e saj sanduiç gjatë shfaqjes së modës Pranverë-Verë 2024. Çanta, që i ngjan një qese letre klasike, doli në shitje më 4 janar. Nuk ishte vetëm dizajni; por edhe çmimi marramendës i kësaj vepre të ashtuquajtur të modës së lartë tërhoqi gjithashtu vëmendjen e njerëzve. Çanta shitet me një çmim prej 3000 dollarësh.
Po, e lexuat saktë!
Çanta u dizenjua nga Pharrell Williams, drejtor kreativ i veshjeve për meshkuj Louis Vuitton, si pjesë e koleksionit të tij debutues për markën. Kjo çantë lëkure është bërë në “pikërisht të njëjtën ngjyrë si çantat e famshme të Shtëpisë së Modës”, sipas një deklarate të markës.
Faqja e internetit përmend më tej se kjo çantë e veçantë ka “të njëjtat shkronja “Louis Vuitton” dhe “Maison Fondée En 1854″ që gjenden në çanta”.
Marka tregoi gjithashtu se ka një “xhep me zinxhir dhe një xhep të dyfishtë të sheshtë për t’i mbajtur gjërat të organizuara”. Ka një gjatësi prej 30 centimetra, lartësi 27 centimetra dhe gjerësi 17 centimetra.
