Komisioni Europian të enjten tha se uebsajti i rezervimeve të hoteleve Booking.com tani duhet të jetë në përputhje me detyrimet strikte të BE-së, pas përcaktimit të tij si “gatekeeper” sipas Aktit të Tregjeve Digjitale në maj.
Akti i Tregjeve Digjitale (DMA) është një nga rregulloret më të rrepta që synon dominimin e tregut të gjigantëve të teknologjisë, duke vendosur detyrime më të ashpra për të moderuar përmbajtjen, duke lejuar konkurrencën e ndershme dhe duke e bërë më të lehtë për konsumatorët kalimin ndërmjet shërbimeve.
Ai cakton kompanitë me më shumë se 45 milionë përdorues aktivë mujorë dhe 75 miliardë euro në kapitalizimin e tregut si ‘gatekeeper’, duke ofruar një shërbim platformë bazë për përdoruesit e biznesit.
Lexo edhe: Këto janë 20 termat më të kërkuar në Google në të gjithë botën në 2024
Nëse një ‘gatekeeper’ nuk respekton DMA-në, Komisioni mund të vendosë gjoba deri në 10% të xhiros totale të kompanisë në mbarë botën, e cila mund të shkojë deri në 20% në rast të shkeljeve të përsëritura. Ai gjithashtu mund të vendosë kufizime në aktivitetin e marrjes./Reuters
