Joe Biden dhe Donald Trump, dy rivalët kryesorë politikë, u takuan në Shtëpinë e Bardhë, ku presidenti në largim u zotua për një dorëzim të pushtetit pa probleme tek presidenti i zgjedhur.
Ky takim shënoi herën e parë që ata u përballën personalisht që pas debatit të ashpër presidencial të qershorit, i cili rezultoi në tërheqjen e Bidenit nga gara zgjedhore.
Gjatë takimit, Biden shprehu urimet e tij për rizgjedhjen e Trumpit dhe e falënderoi atë për mikpritjen e tij në Shtëpinë e Bardhë.
Megjithëse atmosfera gjatë bisedimeve ishte disi e tensionuar, një video e krijuar nga inteligjenca artificiale i përshkroi dy figurat si shokë të mirë, duke i shfaqur në momente të papritura dhe të ngrohta.
I asked AI to imagine the Trump Biden lunch at the White House today and it did not disappoint! pic.twitter.com/gNrJc0s7Hm
— Ari K (@arikuschnir) November 13, 2024
Në klipin që mori dhenë në mediat sociale, skena hapet me Bidenin që i drejtohet Trumpit me një batutë: “Puna në këtë zyrë nuk është dhe aq argëtuese.” Trump përgjigjet me humor: “Ke munguar në garë.” Pas kësaj, dyshja shfaqet duke kaluar kohë së bashku në një mënyrë të pazakontë: vizitojnë një panair, shijojnë akullore, kalërojnë, provojnë sërf dhe madje pinë gota vere duke u relaksuar.
Lexo edhe: Një video e krijuar nga AI tregon Donald Trump dhe Kamala Harris në “skena romantike”
Videoja mbyllet me një skenë ku Biden, me një shprehje reflektive, thotë: “Ndoshta një ditë,” duke lënë një ndjesi për shpresën dhe pajtimin.
