Autoritetet iraniane kanë hequr një ndalim për platformën e mesazheve të çastit të Meta-s, WhatsApp dhe Google Play, si hapi i parë për të pakësuar kufizimet e internetit, njoftoi media shtetërore iraniane të martën.
Republika Islamike ka disa nga kontrollet më të rrepta për aksesin në internet në botë, por blloqet e saj në mediat sociale me bazë në SHBA si Facebook, Twitter dhe YouTube anashkalohen në mënyrë rutinore nga iranianët me njohuri teknologjike që përdorin rrjete private virtuale.
“Është arritur një votë e shumicës pozitive për të hequr kufizimet në aksesin në disa platforma të huaja të njohura si WhatsApp dhe Google Play”, tha të martën agjencia zyrtare e lajmeve iraniane IRNA, duke iu referuar një takimi për këtë çështje të kryesuar nga Presidenti Masoud Pezeshkian.
Lexo edhe: Nga 1 janari Whatsapp nuk do të funksionojë më në këto smartphone
“Sot është ndërmarrë hapi i parë në heqjen e kufizimeve të internetit,” citoi IRNA të ketë thënë ministri iranian i Teknologjisë së Informacionit dhe Komunikimit Sattar Hashemi.
Platformat e mediave sociale u përdorën gjerësisht në protestat antiqeveritare në Iran.
Në shtator, Shtetet e Bashkuara i bënë thirrje Big Tech për të ndihmuar në shmangien e censurës në internet në vendet që sensorojnë shumë internetin, përfshirë Iranin./Reuters
