Platforma e shërbimit të udhëtimit me helikopter, Uber, është gati ta çojë biznesin e saj në qiell, pasi planifikon t’u ofrojë klientëve udhëtime me helikopter përmes aplikacionit të saj, tha kompania me seli në San Francisko në një deklaratë. Për këtë, Uber po bashkëpunon me prodhuesin e taksive ajrore elektrike, Joby Aviation, për të sjellë shërbimet që vitin e ardhshëm.
Kjo vjen vetëm një muaj pasi Joby bleu Blade Air Mobility, e cila tashmë u lejon pasagjerëve të përdorin helikopterë dhe hidroplanë, në një marrëveshje prej 125 milionë dollarësh, raportoi CBS News.
“Në vitin 2024, Blade transportoi më shumë se 50,000 pasagjerë në një rrjet rrugësh në zonën metropolitane të Nju Jorkut dhe Evropën Jugore, duke përfshirë destinacione me trafik të lartë si Aeroporti Ndërkombëtar i Newark Liberty, Aeroporti Ndërkombëtar John F. Kennedy, Manhattan dhe Hamptons”, thuhet në njoftim.
JoeBen Bevirt, themelues dhe drejtor ekzekutiv i Joby, tha se janë të emocionuar që do t’u prezantojnë klientëve të Uber magjinë e udhëtimit ajror urban pa probleme.
“Integrimi i Blade në aplikacionin Uber është hapi i natyrshëm i ardhshëm në partneritetin tonë global me Uber dhe do të hedhë themelet për prezantimin e avionëve tanë të qetë dhe me zero emetime në vitet në vijim. Së bashku me platformën globale të Uber dhe rrjetin e provuar të Blade, ne po përgatisim skenën për një epokë të re të udhëtimit ajror në të gjithë botën”, shtoi ai.
Shtoi se sapo shërbimi të integrohet, pasagjerët do të jenë në gjendje të rezervojnë fluturime direkt në aplikacionin Uber në “qytetet më të populluara në botë”.
Lexo edhe: Aplikacioni i ri Uber Tasks, është si Uber Eats, por për punët e shtëpisë
Ku do të fluturojnë helikopterët e Uber?
Lidhur me itineraret dhe çmimet, një zëdhënës i Joby i tha CBS MoneyWatch se të njëjtat nuk janë finalizuar nga kompania, por shtoi se lidhjet e aeroportit do të ishin tërheqëse për konsumatorët.
“Itineraret e aeroportit janë identifikuar prej kohësh si disa nga propozimet me vlerën më të lartë për publikun”, tha zëdhënësi, shtoi raporti.
Uebsajti i Blade tregon se ofron fluturime midis Manhattanit dhe Aeroportit Ndërkombëtar John F. Kennedy në Nju Jork ose Aeroportit Ndërkombëtar Newark Liberty në Nju Xhersi për 195 dollarë. Vitin e kaluar, ajo transportoi 50,000 pasagjerë në zonën metropolitane të Nju Jorkut dhe Evropën Jugore, thuhet më tej në raport.
“Integrimi i Blade në aplikacionin Uber është hapi i natyrshëm i ardhshëm në partneritetin tonë global me Uber dhe do të hedhë themelet për prezantimin e avionëve tanë të qetë dhe me zero emetime në vitet në vijim”, tha JoeBen Bevirt në një deklaratë.
