Ditën e sotme 4 Nëntor 2022 një lajm i rremë për një sulm ndaj Raiffeisen Bank në Shqipëri u shpërnda nëpër media online duke ngjallur një lloj paniku dhe dizinformimi tek klientët e kësaj banke.
Lajmi bazohej tek një e-mail i tipit phishing që u kishte ardhur një sasie të madhe adresash, ku dërguesi, duke u hequr si banka në fjalë, mundohej të mashtronte lexuesin që të klikonte në një faqe dhe të vendoste aty të dhënat personale për t’u loguar në systemin e online banking.
Nëse klikohej linku i shfaqur, faqja të dërgonte në një faqe me domain .vn (Vietnam) e cila ishte e mbushur me foto/logo dhe pamje të cilat të bënin të mendoje që ishe vërtet në faqen zyrtare të Raiffeisen Bank.
Përdorues të pakujdesshëm mund të bien pre e këtyre rasteve.
Nuk dihet akoma se cilat adresa e-mail kanë marrë këtë mesazh, pra a janë targetuar specifikisht klientët e bankës dhe ku jane gjetur adresat e tyre të e-mailit, apo është një sulm i përgjithshëm sic ndodh shpeshherë dhe adresat meren nga lista të ndryshme që qarkullojnë në web.
Është për t’u theksuar se sulme të tilla nuk provojnë një sulm ndaj sistemeve qëndrore të bankave, por janë sulme që bëhen me qëllim marjen e të dhënave personale dhe kredencialeve të përdoruesve, duke ofruar më vonë mundësinë e qasjes së paautorizuar në llogaritë e tyre. Në të gjitha rastet përdoruesit duhet të zbatojnë rregullat kryesore të mbrojtjes së të dhënave personale.
Lajmi është në përditësim…
Çfarë është phishing? Klikoni linkun:
