OpenAI mbyll gjeneruesin e videove me IA, Sora – ja arsyeja

Kompania OpenAI ka njoftuar ndërprerjen e projektit të saj të videove të gjeneruara nga inteligjenca artificiale, të njohur si Sora.

Ky vendim vjen vetëm pak kohë pas lansimit të platformës, e cila synonte t’i lehtësonte përdoruesit krijimin e videove të personalizuara me ndihmën e IA-së.

Sipas zyrtarëve të OpenAI, ndërprerja e Sora-s u diktua nga një kombinim faktorësh: kosto të larta operimi, rritje e konkurrencës në treg, interes në ulje nga përdoruesit dhe një rishikim strategjik i kompanisë drejt projekteve me potencial më të madh afatgjatë.

Lexo edhe: Chatbot i DeepSeek kinez pëson ndërprerjen më të gjatë që nga rritja virale në fillim të vitit 2025

Përveç këtyre, platforma kishte sfida ligjore dhe shqetësime për përmbajtjen, duke përfshirë përdorimin e imazheve dhe zërave pa autorizim, gjë që mund të sillte probleme me të drejtat e autorit.

OpenAI thekson se do të vazhdojë të fokusohet në teknologji të tjera strategjike të IA-së, përfshirë robotikën dhe simulimet e botës reale, me qëllim zhvillimin e inteligjencës artificiale më të avancuar në të ardhmen.