Toyota ka tërhequr nga tregu rreth 508 mijë automjete Camry të viteve 2025–2026, pasi është zbuluar një problem që mund të bëjë që paneli digjital i instrumenteve të mbetet plotësisht i fikur.
Problemi prek modelet Camry LE, SE dhe Nightshade.
Në rast të defektit, drejtuesi mund të mos shohë shpejtësinë, sinjalizimin e kthesave, dritat paralajmëruese apo të marrë disa sinjale zanore.
Modelet XLE dhe XSE nuk përfshihen në tërheqje, pasi përdorin një ekran më të madh.
Lexo edhe: Dy shoferë padisin Mercedesin, pretendojnë se logoja AMG u shkaktoi djegie
Toyota ka konfirmuar se problemi lidhet me softuerin e panelit të instrumenteve.
Për ta zgjidhur, pronarët e automjeteve të prekura duhet të paraqiten në një servis të autorizuar Toyota, ku softueri do të përditësohet pa pagesë.
Toyota këshillon drejtuesit që të mos e neglizhojnë problemin, pasi një panel instrumentesh që nuk funksionon mund ta bëjë më të vështirë monitorimin e shpejtësisë dhe sinjaleve të rëndësishme gjatë drejtimit.
