Imazheria funksionale e rezonancës magnetike, ose fMRI, është një mjet i përdorur nga neuroshkencëtarët për të fituar njohuri se si funksionon truri. Ndërsa një person kryen detyra të ndryshme mendore kur ndodhet në një skaner fMRI, skaneri gjeneron imazhe shumëngjyrëshe të trurit në veprim.
Ndërsa kjo teknologji ofron informacion se cilat zona të trurit janë duke u përdorur, ajo nuk zbulon se çfarë mendon, ndjen ose sheh personi. Vitet e fundit, studiuesit kanë përdorur inteligjencën artificiale (AI) për të interpretuar të dhënat fMRI, për të rindërtuar imazhet që një person sheh. Kjo teknologji mund të përdoret për të ndërtuar marrëdhënie të mundshme midis trurit dhe skanerit, për të ndihmuar njerëzit të cilët nuk mund të komunikojnë, siç janë individët që janë të pavetëdijshëm, por që kanë funksion neurologjik.
Në një studim të fundit, dy shkencëtarë nga Universiteti Osaka në Japoni, kombinuan të dhënat fMRI me një gjuhë të avancuar AI, që gjeneron imazhe për të përkthyer aktivitetin e trurit të pjesëmarrësve në fotografi. Ajo që u vu re, ishte fakti se fotografitë ngjanin në mënyrë të çuditshme me imazhet që njerëzit shihnin gjatë skanimeve. Imazhet origjinale dhe të rikrijuara mund të shihen në faqen e internetit të studiuesve. Studimi u pranua së fundmi për t’u prezantuar në Konferencën e 2023 mbi Vizionin Kompjuterik dhe Njohjen e Modeleve.
Skanimet e trurit, të përdorura në studimin e fundit, vijnë nga një bazë të dhënash kërkimore që përmban rezultatet e një studimi të mëparshëm, në të cilin tetë pjesëmarrës ranë dakord të shtriheshin rregullisht në një skaner fMRI dhe të shikonin 10,000 imazhe gjatë një viti. Rezultati përbëhet një databazë e madhe e të dhënave fMRI që tregon se si qendrat e shikimit të trurit të njeriut (ose të paktën truri i këtyre tetë pjesëmarrësve njerëzorë) reagojnë ndaj shikimit të secilit prej imazheve. Në studimin e fundit, studiuesit përdorën të dhëna nga katër prej pjesëmarrësve origjinalë.
Ndërsa kjo teknologji është përshkruar si “leximi i mendjes”, Shailee Jain, një neuroshkencëtare kompjuterike në Universitetin e Teksasit në Austin, e cila nuk ishte e përfshirë në studimin e ri, nuk pajtohet. Jain beson se teknologjia nuk është e dobishme për pacientët ose nuk përdoret për momentin, por shton se studiuesit po përmirësohen çdo ditë. Ambuj Singh, një shkencëtar kompjuterik në Universitetin e Kalifornisë, Santa Barbara, i cili nuk ishte i përfshirë në studim, e sheh teknologjinë emocionuese, por gjithashtu paralajmëron se ky model nuk i përpunon domosdoshmërisht imazhet në të njëjtën mënyrë që truri i përpunon, edhe nëse mund të gjenerojë rezultate të ngjashme.
Studimi ka gjeneruar interes të konsiderueshëm në internet që kur u postua si një studim paraprak në dhjetor.
