Një fenomen që ndodh shpesh kur një njeri i dashur për ne ndërron jetë, janë postimet dhe komentet në profilin e tyre në rrjetet sociale. Megjithëse personi në fjalë nuk do të jetë kurrë në gjendje të përgjigjet mbrapsht, duket se shumë përdorues gjejnë ngushëllim në këtë lloj lamtumire virtuale duke shprehur vlerësime dhe respekt.
E njëjta gjë ndodhi në faqen e Instagramit të Mathew Perry, pak orë pas lajmërimit në media të lajmit të tij, vetëm se në një shkallë shumë më të madhe. Qindra mijëra komente lamtumire vërshuan në krah të postimeve të fundit të yllit të “Friends” në Instagram si rrallë herë.
“Duket sikur kam humbur një mik” shprehet një nga komentuesit. “Faleminderit për buzëqeshjet që më dhurove kur kisha nevojë.” thotë një tjetër. “Shpresoj që je në paqe, dhe e di sa i dashur ishe për ne” shprehet një fanse e një tjetër “Pusho në paqe Chandler Bing, do na mungosh Matty”.
Duket se kjo humbje ka mbledhur bashkë virtualisht një komunitet të madh fansat të serialit “Friends” dhe të vetë aktorit Perry, që ngushëllojnë njëri-tjetrin si të ishin një familje e madhe.
Lexo gjithashtu: Fansat nuk e lënë të pushojë në paqe Mathew Perry-n, ja disa…
Ndërkaq, profili i Perry vazhdon ende të jetë aktiv dhe nuk ka asnjë informacion nëse Instagram do ta çaktivizojë apo do e lejojë të jetë aktive në nder të aktorit të njohur.
