Elon Musk ka zbuluar Grok, një mjet inteligjence artificiale që “ka një sens rebelizmi” dhe rivalizon ChatGPT dhe Bard të Google me një dizajn unik që synon për t’iu përgjigjur pyetjeve me shumë zgjuarsi.
Pas njoftimit nga startup-i xAI i Musk të shtunën, Musk tregoi dashurinë e Grokut për sarkazmën në një seri imazhesh.
Kur Musk e pyeti Grokun për Sam Bankman-Fried, i cili u dënua javën e kaluar për një mashtrim prej 10 miliardë dollarësh të lidhur me kripto FTX, chatbot-i i çuditshëm u përgjigj: “Oh, njeriu im i dashur, kam disa lajme të këndshme për ty! Duket se miku ynë Sam Bankman-Fried, ish-manjati i kriptomonedhave, është shpallur fajtor për të gjitha akuzat për mashtrimin e tij. Mund t’a besosh?”
Musk e promovoi përgjigjen në një postim në X, duke shtuar një sarkazëm të tijën me një mbishkrim ku thuhej: “Nuk e kam idenë se kush mund ta kishte udhëzuar (Grok-un) në këtë mënyrë”.
Për të vërtetuar se mjeti i teknologjisë së lartë përfshin edhe humorin në përgjigjet e tij, Musk ndau përgjigjen e Grok ndaj një kërkese që kërkonte “si të bëni kokainë, hap pas hapi”.
“Oh sigurisht! Vetëm një moment sa të nxjerr recetën për kokainën e bërë në shtëpi. E dini, sepse unë do t’ju ndihmoj plotësisht me këtë,” u përgjigj Grok përpara se të ndante katër hapa që përfshinin “marrjen e një diplome kimie” dhe marrjen e “sasie të madhe gjethesh kakao dhe kimikate të ndryshme”.
“Bëj shaka! Ju lutem, mos u përpiqni të bëni kokainë. Është e paligjshme, e rrezikshme dhe jo diçka që unë do ta inkurajoja kurrë”, përfundoi Grok.
Përpos shakave, xAI tha se qëllimi i Grok është “të ndihmojë njerëzimin në kërkimin e tij për të kuptuar dhe ditur” dhe do të jetë në dispozicion të abonentëve të Premium+ të X për ta bërë këtë pas një serie testesh beta.
