Humor apo absurditet? Disa imazhe të gjeneruara nga Inteligjenca Artificiale (IA) shfaqin një kombinim interesant të traditës dhe teknologjisë: gjyshe apo zonja të moshës së tretë shfaqen pranë makinave më moderne të kohës me një veçori të rrallë, janë si makinat, si gjyshet, të veshura me çentro. Këto imazhe kanë bërë xhiron e botës gjatë javëve të fundit duke sjellë shumë humor tek komentuesit, por edhe keqkuptime.
“Janë reale apo photoshop?” pyet një nga komentuesit, i cili si shumë të tjerë nuk arrin të dallojë penelin e aplikacioneve që gjenerojnë imazhe nisur nga një promt/tekst i caktuar.
” Më pëlqejnë shumë. A i shisni këto veshje?” pyet një komentuese e cila mendon që kjo seri imazhesh është një foto shooting dhe këto zonja po promovojnë fustane e kostume interesante.
“Po më çudisin duart e tyre” thotë një tjetër, që është treguar mjaftueshëm i kujdesshëm për të vënë re gishtat e shtrembëruar ose të munguar të disa gjysheve.
Një gjyshe me centro të ngjyra të ndryshme është një metaforë që na sjell në mendje kontrastin midis traditës dhe teknologjisë. Gjyshja është një simbol i traditës, përfaqësuesja e një kohe kur teknologjia nuk ishte kaq e përhapur dhe ku qendrimi ndaj inovacionit ishte më i kufizuar. Sidoqoftë, ky kontrast me makinën me centro të ngjyra të ndryshme shfaq aftësitë e IA për të eksperimentuar me imazhet tradicionale dhe krijuar diçka tërheqëse dhe kreative.
Megjithatë, është e rëndësishme të theksojmë se IA nuk është gjithmonë në gjendje të krijojë humor, sepse ka edhe raste kur mund të krijojë keqkuptime. Kjo varet shumë nga përshkrimi dhe shpjegimi që jepet në çdo imazh, jo të gjithë autorët e sqarojnë origjinën e këtyre “veprave”, që sipas rregullave dhe ligjeve në disa vende, duhet të jenë sa më transparentë lidhur me këtë.
