Nga “konflikti” i Startup-it të Inteligjencës Artificiale OpenAI me Sam Altman, pas shkarkimit të tij dhe emërimit të Mira Muratit si CEO i ri, mesa duke ka një të fituar dhe është vetë Microsoft-i.
Tashmë është zyrtare. Microsoft ka punësuar bashkë-themeluesit e OpenAI, Sam Altman dhe Greg Brockman, për të udhëhequr një “ekip të ri të avancuar të kërkimit të AI”, tha të hënën shefi i konglomeratit të softuerit Satya Nadella, duke mbyllur tre ditë diskutime intensive pas vendimit të papritur të bordit të OpenAI për të shkarkuar Altman.
Shumë anëtarë të OpenAI, përfshirë bashkëthemeluesin Brockman, u larguan nga firma në shenjë proteste javën e kaluar. Altman do të shërbejë si shefi ekzekutiv i grupit të ri të AI në Microsoft, tha Nadella. “Ne kemi mësuar shumë gjatë viteve se si t’u japim themeluesve dhe novatorëve hapësirë për të ndërtuar identitete dhe kultura të pavarura brenda Microsoft, duke përfshirë GitHub, Mojang Studios dhe LinkedIn, dhe mezi pres që kjo të ndodhë sërish.”
