Kurtaj, adoleshenti që hakeroi GTA 6, dënohet me burgim të përjetshëm në një burg spitalor

Hakeri 18-vjeçar me origjinë shqiptare përgjegjës për hakerimin dhe publikimin e dhjetëra videove të Grand Theft Auto 6 vitin e kaluar është dënuar me burgim të përjetshëm në një burg spitalor. Ai mund të lirohet në të ardhmen vetëm nëse mjekët vendosin se ai nuk është më një rrezik për të tjerët, raporton BBC.

Arion Kurtaj u arrestua nga policia e Londrës në Oksford në shtator 2022, pak pasi pamjet e gameplay të GTA 6 ende në zhvillim e sipër u publikuan në internet. Ai u deklarua i pafajshëm në atë kohë, dhe më vonë doli në gjyq për krime kibernetike të lidhura me grupin e hakerave Lapsus$ që përfshinin hakerimin e Uber dhe Nvidia, përveç zbulimit të ekzistencës së GTA 6. Profesionistët e shëndetësisë e cilësuan Kurtaj të papërshtatshëm për t’u gjykuar për shkak të autizmit.

Një juri më vonë përcaktoi se ai ishte përgjegjës për hakimet, edhe nëse ata nuk lejoheshin të përcaktonin qëllimin kriminal. Më pas u zbulua se Arion Kurtaj arriti të hakonte sistemet e Rockstar nga dhoma e tij e hotelit duke përdorur vetëm një Amazon Firestick. Ai tregoi më pas në Slack të kompanisë në atë kohë se ishte një haker dhe më vonë kërcënoi se do të lëshonte source code të GTA 6 nëse Rockstar nuk negocionte me të në Telegram.

Gjatë dënimit, pas një vlerësimi të shëndetit mendor u përcaktua se Kurtaj “vazhdoi të shprehte synimin për t’iu kthyer krimit kibernetik sa më shpejt të jetë e mundur“, duke e quajtur atë “shumë të motivuar“. Dëshmia e gjykatës pretendoi gjithashtu se ai ishte i dhunshëm ndërsa mbahej në paraburgim për gjyqin.

Si rezultat, ai tani do të mbahet në një spital të sigurt për pjesën tjetër të jetës së tij. Megjithëse zbuluan video të lojës së shumëpritur ndërsa ishte ende një punë në zhvillim e sipër, avokatët e Kurtajt së fundmi argumentuan se suksesi i trailerit zyrtar të zbulimit të GTA 6, tani më i shikuari në YouTube ndonjëherë, tregoi se sulmi i tij nuk ishte aq i dëmshëm për lojën.