Shokuese! Ja sa miliardë dollarë mund të gjenerojë loja GTA 6 në vitin e parë

Grand Theft Auto VI është ndër lojërat më të pritura të vitit 2025, dhe analistët e tregut parashikojnë se do të vendosë standarde të reja për shitjet. Sipas DFC Intelligence, firma më e njohur analitike në industrinë e lojërave video, GTA VI pritet të shesë dhjetëra miliona kopje brenda vitit të saj të parë, duke gjeneruar të ardhura mbi 3 miliardë dollarë.

Kjo lojë do të debutojë në një treg që ngjan me atë të vitit 2013, kur Rockstar lançoi GTA V. Konsolat kryesore, si PS5 dhe Xbox Series X|S, kanë shitur numra të ngjashëm me PS4 dhe Xbox One në atë kohë – përkatësisht 66 milionë dhe 28 milionë njësi. Suksesi i jashtëzakonshëm i GTA V gjatë dekadës së fundit konsiderohet si një katalizator për një debutim edhe më të fuqishëm të GTA VI.

David Cole, themeluesi i DFC Intelligence, shpjegon:
“GTA V ka një histori 11-vjeçare të shitjeve dhe arriti të gjenerojë rreth 1 miliard dollarë të ardhura në vitin e 8-të dhe të 9-të. Ky sukses afatgjatë tregon se GTA VI do të ketë një fillim të fuqishëm, me mbi 1 miliard dollarë të ardhura vetëm nga porositë paraprake.”

Në vitin e saj të parë, DFC parashikon që GTA VI do të gjenerojë 2.2 miliardë dollarë shtesë në shitje dhe, deri në nëntor të vitit 2026, do të arrijë shifra rekord.

Suksesi i qëndrueshëm i GTA V dhe pritshmëritë për GTA VI
Circana, një firmë tjetër kërkimore, publikoi të dhëna që tregojnë suksesin e gjatë të GTA V, e cila qëndroi në top 10 lojërat më të shitura për katër vite pas publikimit. Në vitet e 8-ta dhe të 9-ta, GTA V përjetoi një ringjallje të konsiderueshme gjatë pandemisë COVID-19, përpara se shitjet të pësonin një rënie në vitin 2023.

Lexo edhe: Kurtaj, adoleshenti që hakeroi GTA 6, dënohet me burgim të përjetshëm në një burg spitalor

Pjesë e këtij suksesi është GTA Online, një komponent i lojës që, pavarësisht fillimit të vështirë, tërhoqi miliona lojtarë. Deri në vitin 2022, për të luajtur GTA Online, kërkohej një kopje e GTA V, çka rriti ndjeshëm shitjet.

Analistët besojnë se Rockstar do të përdorë një strategji të ngjashme me GTA VI, duke lançuar përditësime për lojën kur të dalin konsolat e reja të Sony dhe Microsoft. Kjo do të mundësojë një rritje të mëtejshme të shitjeve në vitin e tretë dhe të katërt të lojës, duke arritur deri në 100 milionë kopje të shitura brenda pesë viteve. Për krahasim, GTA V ka shitur mbi 200 milionë kopje që nga viti 2013.

Lançimi dhe pritshmëritë për GTA VI
Rockstar ka planifikuar të lançojë GTA VI në vjeshtën e vitit 2025 për PS5 dhe Xbox Series X|S. Megjithëse kanë qarkulluar thashetheme për një vonesë, zhvilluesit e Rockstar i kanë thënë Jason Schreier nga Bloomberg se nuk kanë dëgjuar për një ndryshim të afatit.

Me pritshmëritë e larta dhe një histori të suksesshme, Grand Theft Auto VI duket se do të jetë jo vetëm një sukses komercial, por edhe një tjetër gur themeli për industrinë e lojërave video.