Spotify rrit sërish çmimet, a po shtrenjtohet muzika për dëgjuesin e thjeshtë?

Aplikacioni Spotify po rrit sërish çmimet e tij për një periudhë të shkurtër që nga rritja e fundit.

Duke filluar nga muaji korrik abonentët e Spotify do të paguajnë 1 dollarë më shumë në muaj duke e rritur kështu në total 11.99 dollarë. Rritja e fundit nga Spotify është prej rreth 20% më shumë se rritja e çmimit pararendëse. 

Transmetuesi digjital audio tha se arsyeja e rritjes së çmimit ishte për shkak se kompania kërkon të rritë investimet dhe të rinovojë veçoritë e produkteve në mënyrë të tillë që përdoruesit të kenë përvojën më të mirë.

Disa nga nivelet e tjera të Spotify po marrin gjithashtu rritje të çmimeve. Kostoja mujore e “Duo” po rritet me 2 dollarë, në 16,99 dollarë. Plani familjar po rrit çmimet me 3 dollarë në 19,99 dollarë në muaj.

Lexo edhe: Spotify me ndryshime të mëdha, ja elementi që do t’ju bëjë të paguani më tepër

Transmetimi, si muzika ashtu edhe televizioni, po bëhet gradualisht më i shtrenjtë për të gjithë. Ndërsa kompanitë vazhdojnë kërkimin e pakapshëm për të maksimizuar fitimet e tyre. 

Spotify nuk është  kompania e vetme e shërbimit digjital që ka rritur çmimet. Paramount, kompania mëmë e CNN, Warner Bros, Discovery, dhe madje edhe Netflix, kanë rritur çmimet vitin e kaluar në një lëvizje drejt përfitimit./CNN