Kompania finlandeze e telekomunikacionit ”Nokia” ka arritur një përparim të rëndësishëm në teknologjinë e komunikimit zanor duke pretenduar thirrjen e parë telefonike në botë me tingull tredimensional (3D).
Sipas kompanisë, teknologjia më e fundit i ofron telefonuesit përvojë në kohë reale, ku ai mund të dëgjojë gjithçka qartë në telefon sikur të jetë me personin tjetër.
Teknologjia ofron përvojë 3D të zërit për telefonuesit, krahasuar me përvojën e sotme monofonike të thirrjeve në smartphone, ku zëri kompresohet në një kanal të vetëm.
Thirrja e parë gjithëpërfshirëse u bë nga presidenti dhe shefi ekzekutiv i ”Nokia”-s, Pekka Lundmark me Stefan Lindstrom, ambasadorin e Finlandës për Dixhitalizimin dhe Teknologjitë e Reja duke përdorur kodekun IVAS 3GPP mbi një rrjet 5G.
“Ne kemi demonstruar të ardhmen e thirrjeve zanore”, komentoi Lundmark.
Lexo edhe: Së shpejti mund të jeni në gjendje të karikoni plotësisht telefonin për një minutë?
