TikTok-erja që u martua me veten dhe u bë virale, vetëvritet në moshën 26 vjeçare

Influencerja e TikTok Kubra Aykut ka vdekur tragjikisht pasi u rrëzua nga kati i pestë i një pallati luksoz në Turqi.

26-vjeçarja, e cila fitoi famë botërore për videot e saj virale “Dasma pa dhëndër”, thuhet se u gjet e vdekur të hënën e kaluar në lagjen Sultanbeyli të Stambollit.

Në trupin e saj thuhet se është gjetur një shënim vetëvrasjeje, raportojnë mediat turke.

Kjo vjen pasi ylli i mediave sociale, e cila kishte një milion ndjekës në TikTok dhe mbi 200,000 në Instagram, i la fansat të shqetësuar me postimet e fundit rreth humbjes së peshës.

Ajo shkroi: “Kam mbledhur energjinë time, por duket se nuk po shtoj dot në peshë. Unë humbas një kilogram çdo ditë. Nuk di çfarë të bëj; Më duhet urgjentisht të shtoj peshë.’

Aykut raportohet se ka rënë nga banesa e saj në rrugën Gişe në lagjen ekskluzive Hasanpaşa.

Policia nisi hetimet dhe trupi i saj u dërgua në një spital privat.

Trupi i saj u dërgua më pas në vendlindjen e saj Bursa, ku jetojnë prindërit e saj dhe ku ajo lindi, për t’u varrosur në një funeral ku morën pjesë miqtë dhe të dashurit.

Influenceri turk Dilan Polat ishte në mesin e vajtuesve, si dhe Enes Çetinkaya, i cili besohet të ketë qenë partneri afatgjatë i Aykut.

Fansat kanë vërshuar faqen e Aykut në TikTok me homazhe, ku shumë e quajnë atë ‘një engjëll’ dhe dikë që kishte ‘një zemër të bukur’.

Lexo edhe: Kufjet e Samsung Galaxy Buds FE shpërthejnë brenda veshit, përdoruesi humb dëgjimin

Videoja e fundit që ajo ndau pak para vdekjes tregonte se ajo pastronte me përpikëri banesën e saj.

Ylli i mediave sociale fitoi famë në TikTok pasi mbajti një martesë të stisur pa partner në vitin 2023.