Meta goditet me 91 milionë euro gjobë për sigurinë e dobët të fjalëkalimeve

Kompania e madhe e teknologjisë Meta është urdhëruar të paguajë një gjobë prej 91 milionë eurosh për mbrojtjen e të dhënave për mungesën e mbrojtjes së mjaftueshme të fjalëkalimit të përdoruesit, tha mbikëqyrësi irlandez i të dhënave.

Gjiganti amerikan i teknologjisë Meta është goditur me një gjobë prej 91 milionë eurosh nga autoriteti irlandez i mbrojtjes së të dhënave për dështimin në mbrojtjen e fjalëkalimeve të përdoruesve, njoftoi mbikëqyrësi i privatësisë.

Hetimi nisi në prill 2019, pasi Meta njoftoi autoritetin irlandez se kishte ruajtur pa dashje disa fjalëkalime të përdoruesve të mediave sociale në ‘plaintext’ – që do të thotë pa enkriptim – në sistemet e saj të brendshme.

Lexo edhe: Mark Zuckenberg: Biden-Harris presion Meta-s për postimet lidhur me Covid-19

Rregullorja e Përgjithshme e BE-së për Mbrojtjen e të Dhënave (GDPR), kërkon që kompanitë të zbatojnë masat e duhura të sigurisë kur përpunojnë të dhënat personale.

“Është e pranuar gjerësisht që fjalëkalimet e përdoruesve nuk duhet të ruhen në tekst të thjeshtë, duke marrë parasysh rreziqet e abuzimit që lindin nga personat që aksesojnë të dhëna të tilla. Duhet të kihet parasysh se fjalëkalimet që janë objekt i shqyrtimit në këtë rast, janë veçanërisht të ndjeshme, pasi ato do të mundësonin aksesin në llogaritë e mediave sociale të përdoruesve”, tha në një deklaratë Zëvendës Komisioneri në DPC irlandeze, Graham Doyle.