Regjisori i “I, Robot” akuzon Elon Musk për kopje: ‘A mund të m’i kthesh dizajnet e mia, të lutem?”

Në prezantimin e madh të Tesla-s Cybercab Robotaxi javën e kaluar në lotin Warner Bros në Burbank, kompania tregoi gjithashtu versionin më të fundit të Tesla Bot, të quajtur Optimus, si dhe një Robovan.

Zbulimi fillestar i treshes së produkteve robotike shkaktoi entuziazëm të madh në mediat sociale, por, shumë shpejt, lavdërimet u kthyen në tallje pasi dizajnet u shqyrtuan nga një mori njerëzish që akuzonin kompaninë e Elon Musk për kopjen e modeleve të gjetura në filmin fantastiko-shkencor të vitit 2004 ‘I, Robot’ me protagonist Will Smith.

I Robot vs We Robot #Tesla pic.twitter.com/vpcwoc4FnH

— TheTeslaLife (@TheTeslaLife) October 12, 2024

Tesla e kishte quajtur ngjarjen “Ne, Robot”, të huazuar nga titulli i koleksionit të tregimeve të shkurtra të Isaac Asimov të vitit 1950, mbi të cilin bazohet filmi, kështu që pati një dukje të ndërthurjes të ideve.

Megjithatë, shumë në mediat sociale theksuan ngjashmërinë e çuditshme që të tre ofertat e robotëve të planifikuar të Teslës kanë me produkte të ngjashme në filmin e Alex Proyas, i cili zhvillohet në 2035 në Çikago.

Hey Elon, Can I have my designs back please? #ElonMusk #Elon_Musk pic.twitter.com/WPgxHevr6E

— Alex Proyas (@alex_proyas) October 13, 2024

Optimus, një robot humanoid për qëllime të përgjithshme,, që është duke u zhvilluar aktualisht nga Tesla, e ka marrë emrin nga karakteri i Transformers, dhe ka ngjashmëri me robotët NS5 që gjenden në I, Robot.

Lexo edhe: Tesla zbulon Cybercab, a është ky momenti ChatGPT për robotaksi? (FOTO)

Por ishte fakti që Robovan (një lëvizës njerëzish vetë-drejtues që duket si mjeti transportues robot në film) dhe Robotaxi (një taksi vetë-drejtues që duket si Audi RSQ në film) gjithashtu ngjajnë me automjete të ngjashme të gjetura në I, Roboti.

Ky fakt frymëzoi talljet e pamëshirshme në mediat sociale dhe madje një përgjigje nga Proyas.
Vetë Proyas u shpreh të dielën, duke postuar në X (ish-Twitter), “Hej Elon, a mund të m’i kthesh dizajnet e mia të lutem?”

Regjisori Matt Granger, i cili punoi si asistent i Proyas në I, Robot, postoi: “Edhe unë dëshiroj t’i ofroj gishtin e mesit Elon-it dhe mungesës së tij të krijimtarisë’.