Google Maps sjell një veçori të re, ja si do të lehtësojë udhëtimet tuaja 

Google Maps ka marrë përmirësime të reja, të cilat tani u mundësojnë përdoruesve të shfletojnë hartat në “sfond”. Gati një vit më parë u raportua se Google Maps po zëvendësonte ekranet e plota me diçka të quajtur Sheet – dritare informuese që shfaqin të dhëna nga skeda Explore.

Falë qosheve të rrumbullakosura të këtyre Sheet-eve, tani mund të shihni informacionet që ju interesojnë ndërsa një pjesë e hartës mbetet gjithmonë e dukshme poshtë. Meqë tani skeda Explore nuk e mbulon më të gjithë ekranin, Google ka filluar të aplikojë të njëjtin stil edhe për skedat You dhe Contribute.

Avantazhi i përdorimit të dritareve Sheet është se informacionet nuk mbulojnë më të gjithë ekranin. Ndërfaqja është më e pastër dhe më konsistente, ndërsa skeda You tani ju tregon listat tuaja, përfshirë vendet e preferuara, udhëtimet e ruajtura dhe shumë të tjera.

E njëjta përmirësim vlen edhe për skedën Contribute, që e bën më të lehtë për përdoruesit të menaxhojnë kontributet e tyre në aplikacion – si p.sh. vlerësime, foto, përgjigje në pyetje dhe të tjera.

Pamja e re ka filluar të implementohet sot në versionin stabil 25.16.06 të Google Maps për Android. Përdorimi i këtyre Sheet-eve në skedat Explore, You dhe Contribute do të bëhet i disponueshëm me kalimin e kohës edhe për versionet iOS dhe iPadOS të aplikacionit.

Lexo edhe: Ja si mund të përdorni Google Maps edhe kur nuk keni internet (VIDEO)

Përparësia e kësaj pamjeje të re është se nuk është më e nevojshme të ktheheni pas për të parë hartën. Me përditësimin, thjesht mund të tërhiqni dritaren Sheet poshtë për të parë një pjesë më të madhe të hartës që është gjithnjë në sfond. E gjithë harta nuk mbulohet më nga një faqe e plotë, raporton Phone Arena.

Pra, Google po sjell sërish një ndryshim të vogël, por të dobishëm në Google Maps që përmirëson përvojën për përdoruesit e Android – dhe shpresojmë së shpejti edhe për ata në iPhone dhe iPad.