Frigoriferë që tregojnë reklama? Ja çmimi me të cilin do i shesë Samsung

Samsung ka konfirmuar se frigoriferët e saj inteligjentë me vlerë mbi 1,800 dollarë së shpejti do të fillojnë të shfaqin reklama në ekranet e tyre.

Një deklaratë e kompanisë për Fortune tha: “Samsung është i përkushtuar ndaj inovacionit dhe rritjes së vlerës së përditshme për klientët tanë të pajisjeve shtëpiake.

“Si pjesë e përpjekjeve tona të vazhdueshme për të forcuar këtë vlerë, ne po zhvillojmë një program pilot për të ofruar promovime dhe reklama të kuruara në disa modele të frigoriferëve Samsung Family Hub në tregun amerikan.”

Ndërsa Samsung i tha gjithashtu Android Authority se reklamat mund të shpërfillen dhe reklamat e shpërfillura nuk do të rishfaqen, reagimi në mediat sociale nuk ka qenë mjaft pozitiv.

Duket se shumë njerëz nuk janë aspak të lumtur me idenë e pagesës së çmimeve luksoze për një frigorifer që shërben edhe si një tabelë reklamash.