Ka filluar shitja e NEO, robotit shtëpiak që promovohet si asistent universal për shtëpinë. Ai kushton 20 mijë dollarë ose mund të merret me qira për 500 dollarë në muaj.
Roboti mund të pastrojë, palosë rrobat, lajë enët, ujisë bimët, madje edhe të argëtojë fëmijët.
Por ka një pengesë — gjatë vitit të parë, NEO do të kontrollohet kryesisht manualisht nga operatorë të largët (thuhet se nga India), të cilët mund të shohin brendësinë e shtëpisë së përdoruesit ndërsa AI “mëson”.
Prodhuesi pretendon se fytyrat fshihen (blurohen) dhe të dhënat janë të mbrojtura, megjithatë pronarit i këshillohet të përcaktojë paraprakisht “zona të kufizuara”.
Lexo edhe: Fillojnë në Kinë lojërat e para botërore të robotëve humanoidë (FOTO)
NEO ka një lartësi prej 168 cm, peshon rreth 30 kg, mund të ngrejë deri në 70 kg dhe funksionon për katër orë me një karikim. Prodhimi masiv planifikohet për vitin 2026, me ngjyra në të zezë, bezhë dhe gri.
Ndërkohë, videot e robotit janë bërë virale online. Pyetja e madhe mbetet: A është ky agimi i një epoke të re – apo thjesht një manovër e zgjuar marketingu?
1 Comment
Pingback: Kjo është gjuha më efektive për dhënien e komandave të inteligjencës artificiale, ja lista e plotë - Technews.al