Industria e filmit ne Hollywood po perjeton nje nga momentet me te veshtira, pasi studioja legjendare Warner Bros rrezikon te shitet. Aktore, regjisore dhe punetore te industrise e pershkruajne situaten si nje “makth”, nderkohe qe gjigande si Netflix dhe Paramount po luftojne per ta blere studion historike. Kjo pritet te sjelle edhe me shume shkurtime vendesh pune ne nje sektor qe tashme eshte ne krize.
Warner Bros, qe ka prodhuar filma ikonik si Casablanca, Batman dhe Harry Potter, ka humbur fuqine e dikurshme. Shitja e saj do te thote me pak mundesi per projekte te reja filmike dhe me pak investime ne televizion dhe kinema. Punetoret e industrise jane te ndare mes dy frikave: kontrolli nga Netflix, qe shihet si armik i kinemave tradicionale, ose nga Paramount, e lidhur me miliardere dhe interesa politike.
Sipas planeve, Netflix synon te bleje pjeset me te vlefshme te Warner Bros, si studion kryesore, HBO dhe arkiven e filmave, ndersa kanale si CNN ose Discovery mund t’i kalojne nje bleresi tjeter. Nga ana tjeter, oferta e Paramount Skydance mbeshtetet edhe nga fonde te huaja, perfshire investime nga Lindja e Mesme, gje qe ka ngritur shqetesime per censurë dhe ndikim politik ne media.
Lexo edhe: Netflix hap shtëpinë e re Netflix në Filadelfia siç kishte premtuar, ja çfarë ndodh
Shume njerez ne Hollywood fajsojne drejtperdrejt drejtorin ekzekutiv te Warner Bros Discovery, David Zaslav, per renien e studios. Ai eshte kritikuar per shkurtime masive vendesh pune dhe per paga shume te larta per veten, nderkohe qe kompania ka humbur miliarda dollare. Disa e krahasojne ate me personazhin Gordon Gekko, simbol i lakmise dhe shkaterrimit ne filma.
Per shume punetore te filmit, kush do ta bleje Warner Bros nuk eshte me ceshtja kryesore. Ata po perballen me nje industri qe po tkurret, me me pak prodhime, me rritjen e perdorimit te inteligjences artificiale dhe me pasiguri per te ardhmen. Per disa, Netflix duket si zgjedhja me pak e keqe, ndersa te tjere e shohin si fundin e kinemase tradicionale. Nje gje eshte e sigurt: Hollywood po ndryshon rrenjesisht.
