Tendera me Inteligjencë Artificiale? A mund ta ndalë AI korrupsionin në Shqipëri

Ndryshimi i shpejtë i teknologjisë dhe aplikacionet që vijnë prej inteligjencës artificiale do të mund të vihen në shërbim në një gamë të gjerë fushash. Qeveria shqiptare duket se synon ta përdorë për të rritur transparencën në tendera dhe për të garantuar garë të ndershme.

“Kemi nisur edhe një punë shumë inovative me mbështetjen dhe asistencën direkte të Microsoft-it për inteligjencën artificiale që do të na lehtësoje besojmë ne procese të caktuara duke filluar që nga procesi i prokurimeve publike  për të cilin kemi një projekt shumë ambicioz që do të kërkojë kohën e vet, por ne jemi besimplotë që brenda këtij mandati, do të kemi një sistem komplet të revolucionarizuar të prokurimeve publike, me shumë më tepër komponentë teknologjikë dhe me shumë më pak komponentë njerëzorë në mënyrë që prokurimet të jenë sa më transparente dhe sa më të drejta në të gjitha nivelet.”- tha Rama.

Kryeministri kërkoi dhënien fund të  kulturës të  evazionit fiskal nga ndërtuesit e pallateve. “Epo që ju të shisni apartamente me 2000, 3000, 4000, 5000, 6000, të shisni hapësira biznesi me 7000 apo 8000 euro dhe të deklaroni atje çmime që janë larg të vërtetës, kjo nuk mund të vazhdojë dhe çmimet e referencës nuk janë vënë në mënyrë arbitrare, janë vënë mbi bazën e tregut.” Duhet të marrin fund tha kryeministri marifetet e ndërtuese me 3% e detyruar të japin për strehim social.

Duket se për Kryeministrin Rama, inteligjenca artificiale është zgjidhja për të ndalur korrupsionin lidhur me tenderat. Por a mund të funksionojë përzgjedhja me AI si zëvendësim i integritetit, ndershmërsisë dhe frikës nga ligji? Dhe a është në gjendje shteti shqiptar të garantojë që ky sistem AI do të jetë i pakorruptueshëm?