Zëri i Freddie Mercury është përdorur, me ndihmën e inteligjencës artificiale, për të kënduar këngën “My Heart Will Go On” të Titanikut, nga repertori i këngëtares Celine Dion.
Freddie Mercury ishte një këngëtar dhe kompozitor britanik që arriti famë botërore si këngëtari kryesor dhe pianist i grupit rock Queen. I konsideruar si një nga solistët më të mëdhenj në historinë e muzikës rock, ai ishte i njohur për personalitetin e tij të dukshëm dhe gamën vokale me katër oktavë. Mercury sfidoi konvencionet e një solisti rock me stilin e tij teatror, duke ndikuar në mënyrë të pakthyeshme drejtimin artistik të Queen.
Me ndihmën e inteligjencës artificiale, fansat e Queen mund të shijojnë ende zërin e tij. Floydian Dip në Youtube publikoi këtë video në kanalin e tij dhe ka rezultuar e suksesshme.
