Pavel Durov është shumë gjëra për shumë njerëz. Programues i shkëlqyer. Sipërmarrës miliarder. Oborrtar i Kremlinit. Luftëtar i fjalës së lirë…
Oh po, edhe babai biologjik i të paktën 100 fëmijëve.
Durov, themeluesi i Telegram, i cili u arrestua në Francë gjatë fundjavës, sintetizon figurën e një manjati të teknologjisë si Mark Zuckerberg, zakonet e çuditshme të jetesës së Jack Dorsey dhe natyrën liridashëse të Elon Musk – plus një obsesion të ngjashëm me pronatalizmin dhe lindjen e fëmijëve.
Durov tha në korrik se ai ishte bërë baba i më shumë se 100 fëmijëve falë donacioneve të spermës që kishte bërë gjatë 15 viteve të fundit.
Lexo edhe: Kush është Pavel Durov, themeluesi i aplikacionit të mesazheve Telegram i arrestuar në Francë?
Me vlerë rreth 9.15 miliardë dollarë sipas Bloomberg dhe i armatosur me një sërë pasaportash dhe rezidencash, Durov ka jetuar për një dekadë një jetë pa kufij, një njeri në një udhëtim shpesh pa këmishë për të siguruar lirinë e komunikimit nga sytë kureshtarë të qeverive të zgjedhur në mënyrë demokratike ose ndryshe.
