GTA 6 pritet të dalë pas një viti të saktë – më 19 nëntor 2027 – por komuniteti i lojtarëve është gjithnjë e më skeptik. Pas dy shtyrjeve të mëdha, besimi tek datat e Rockstar është bërë më i brishtë se kurrë.
Fillimisht, loja duhej të publikohej në vitin 2025. Më pas u shty për 26 maj 2026, për t’u shtyrë sërish edhe gjashtë muaj të tjerë, duke arritur në datën aktuale: 19 nëntor 2026 si datë fillestare, dhe tashmë një vit më vonë për konsumatorët. CEO i Take-Two ka deklaruar se është “shumë i sigurt” për datën e re – por ai ishte po aq i sigurt edhe herët e tjera.
Në forumin e GTA 6 në Reddit, fansat po diskutojnë pikërisht këtë paqartësi. Njëri prej tyre shkruan: “Fakti që loja duhej të ishte publikuar rreth kësaj kohe… është e çuditshme të mendosh për të.” Ndërkohë, një tjetër shprehet me humor të hidhur: “Pas një viti do të presim që të dalë pas një viti tjetër.”
Disa fansa madje besojnë se çdo herë që dikush fillon numërimin mbrapsht, loja shtyhet. “Mos bëni countdown – çdo herë që e bëni, ka një vonesë tjetër,” thotë një përdorues.
Lexo edhe: GTA 6 sjell një revolucion grafik, ja diferencat dramatike nga GTA 5 (FOTO)
Megjithatë, jo të gjithë janë pesimistë. Disa kujtojnë se edhe Red Dead Redemption 2 dhe vetë GTA 5 kanë pasur disa vonesa para se të dilnin në treg dhe të merrnin vlerësime të larta. “Pse gjithë ky pesimizëm? Edhe RDR2 pati dy vonesa,” shkruan një fans i qetë.
E vetmja gjë e sigurt? Lojtarët nuk do ta dinë të vërtetën deri vitin tjetër. Dhe derisa ai moment të vijë, debati – dhe memet – do të vazhdojnë.
