Franca bëhet shteti i parë europian që ndalon aksesin në rrjetet sociale për fëmijët nën 15 vjeç

Franca ka miratuar ndalimin e përdorimit të rrjeteve sociale për fëmijët nën moshën 15 vjeç, duke u bërë vendi i parë në Bashkimin Evropian që zbaton një masë të tillë në shkallë kombëtare. Rregullat e reja do të hyjnë në fuqi më 1 shtator 2026.

Sipas ligjit, fëmijët nën 15 vjeç nuk do të mund të hapin llogari të reja në rrjetet sociale, ndërsa llogaritë ekzistuese do të duhet të mbyllen deri më 1 janar 2027. Platformat do të jenë të detyruara të zbatojnë sisteme verifikimi të moshës për të garantuar respektimin e rregullave.

Lexo edhe: Kanadaja me ligj ndalon rrjetet sociale për personat nën moshën 16-vjeçare

Autoritetet franceze e justifikojnë vendimin me shqetësimet në rritje për ndikimin e rrjeteve sociale te të rinjtë, duke përmendur problemet me gjumin, bullizmin online, uljen e vetëvlerësimit dhe ekspozimin ndaj përmbajtjeve që lidhen me vetëdëmtimin. Paralelisht, Franca do të zgjerojë edhe kufizimet për përdorimin e telefonave në shkollat e mesme, me disa përjashtime të kufizuara.

Franca i bashkohet vendeve si Australia, e cila tashmë kufizon aksesin në rrjetet sociale për personat nën 16 vjeç, ndërsa Mbretëria e Bashkuar po shqyrton një masë të ngjashme që pritet të zbatohet në vitin 2027.