Instagram ka prezantuar ri-dizajnimin e parë të logos së tij me shkrim (wordmark) pas një dekade, por reagimi i publikut nuk ishte aspak ai që pritej.
Lexo edhe: Instagram ndryshon logon e shkrimit pas 10 vitesh: një pamje më moderne
Në vend të lavdërimeve, rrjeti social u përball me një valë të madhe ironie në internet. Përdoruesit pretendojnë se shkrimi i ri është bërë shumë më i vështirë për t’u lexuar, ndërsa disa po e quajnë me shaka “Instagzam”, pasi shkronja “r” ngjan më shumë me një “z”
Situata mori përmasa akoma më të mëdha kur kompanitë gjigante shfrytëzuan momentin për t’u bërë pjesë e trendit. Brende të njohura globale si McDonald’s, KitKat, Canva dhe Uber publikuan versionet e tyre të “rifreskuara” të logove, duke kopjuar stilin e ri të Instagram-it dhe duke u tallur hapur me këtë ndryshim.
Kjo ngjarje vërteton edhe një herë se në epokën e rrjeteve sociale, as brendet më të fuqishme në botë nuk i shpëtojnë dot shakave të internetit minutën që vendosin të bëjnë një ndryshim vizual.
Po ju, mendoni se logoja e re është vërtet më e dobët, apo bëhet fjalë thjesht për reagimin e zakonshëm skeptic ndaj çdo ndryshimi?
