Kryeministri i Shqipërisë, Edi Rama, ka shpallur një plan ambicioz për të eliminuar plotësisht përdorimin e parasë në dorë deri në vitin 2030, gjë që – nëse realizohet – do ta bënte Shqipërinë shtetin e parë në botë me një ekonomi krejtësisht pa para fizike.
Në një vend ku tradicionalisht dominon paraja në dorë dhe qytetarët ende preferojnë ta ruajnë “nën dyshek”, ky plan mund të sjellë ndryshime të thella në jetën e përditshme dhe në sistemin ekonomik. Shqiptarët shpeshherë bëjnë shaka se e mbajnë paranë “pranë kallashit”, ndërsa besimi ndaj sistemit bankar mbetet i ulët.
Lexo edhe: Qeveria hedh për konsultim ‘Strategjinë Kombëtare të Inteligjencës Artificiale’, ja fushat prioritare
Një nga qëllimet kryesore të kësaj nisme është luftimi i ekonomisë informale, e cila vlerësohet të ketë përmasa të mëdha. Profesori i ekonomisë në Universitetin e Tiranës, Selami Xhepa, thekson se eliminimi i parasë fizike është “një prioritet absolut për vendet me nivel të lartë të ekonomisë informale dhe me praninë destabilizuese të parasë ilegale në sistemin financiar”.
Megjithatë, ekspertët paralajmërojnë se as sektori bankar, e as shoqëria nuk janë ende plotësisht të gatshëm për një transformim kaq radikal, dhe se zbatimi i këtij plani mund të përballet me sfida të shumta dhe rezistencë.





3 Comments
Pingback: Veshjet imitim të firmave luksoze ndalohen në Shqipëri: Ligji i ri i jep fund tregut “fake firmato” - Technews.al
Pingback: Ndodh për herë të parë, Shqipëria prezanton ministren e krijuar nga Inteligjenca Artificiale - Technews.al
Pingback: Banka e Shqipërisë prezanton vizionin për ekonominë inteligjente në ICEBIT 2025 - Technews.al