OpenAI ka ChatGPT. Google ka Bard chatbot . Microsoft ka Copilot. Të martën, Amazon iu bashkua garës së chatbot-it dhe lajmëroi nxjerrjen në treg të një asistenti të inteligjencës artificiale: Amazon Q.
Ky chatbot, i zhvilluar nga divizioni i kompjuterëve cloud të Amazon, është i dedikuar për vendet e punës dhe nuk është i destinuar për konsumatorët. Amazon Q synon të ndihmojë punonjësit me detyrat e përditshme, të tilla si përmbledhja e dokumenteve të strategjisë, plotësimi i biletave të mbështetjes së brendshme dhe përgjigjja e pyetjeve në lidhje me politikën e kompanisë. Ai do të konkurrojë me chatbot të tjerë të korporatave, duke përfshirë Copilot, Duet AI të Google dhe ChatGPT Enterprise.
“Ne mendojmë se Q ka potencialin për t’u bërë një asistent për miliona e miliona njerëz në jetën e tyre të punës,” tha në një intervistë Adam Selipsky, shefi ekzekutiv i Amazon Web Services.
Amazon ka qenë në vrap për të larguar perceptimin se ka mbetur prapa në fushën e A.I. Që kur OpenAI publikoi ChatGPT, Google, Microsoft dhe të tjerët janë ngutur të krijojnë chatbot-et e tyre dhe duke investuar shumë në zhivillimin e Inteligjencës Artificiale.
1 Comment
Pingback: Amazon do të investojë 1.2 miliard euro në Francë, do të krijojë 3000 vende pune - Technews.al