Europianët nuk i besojnë AI kur bëhet fjalë për zgjedhjet, por i besojnë asaj për…

Shumica dërrmuese e europianëve kanë frikë nga manipulimi i inteligjencës artificiale (AI) në zgjedhje, por i besojnë teknologjisë kur përdoret nga policia dhe ushtria për mbikëqyrje, sipas një raporti të ri të publikuar të hënën.

Studimi “European Tech Insights” nga Universiteti IE në Spanjë anketoi më shumë se 3000 njerëz në 10 vende europiane. Ai zbuloi se dy në tre europianë (67 për qind) kanë frikë se hakerat mund të ndryshojnë rezultatet e zgjedhjeve dhe se më shumë se 30 për qind e të anketuarve besojnë se AI tashmë ka ndikuar në vendimet e tyre të votimit.
Vendet me qytetarë që kishin më pak besim tek AI në zgjedhje ishin Mbretëria e Bashkuar (54 përqind) dhe Spanja (51 përqind).

Cilë europianë i besojnë AI-së?

Europianët nën moshën 35 vjeç ishin më besimplotë pasi 34% thanë se do t’i besonin një aplikacioni të fuqizuar nga AI për të votuar për kandidatët politikë në emër të tyre.
Gjeneratat e vjetra i besonin më pak teknologjisë.

Pothuajse 30% e njerëzve të moshës 35 deri në 44 vjeç thanë se do t’i besonin një mjeti votimi të AI, dhe vetëm 9 për qind e atyre të moshës 65 vjeç e lart thanë se do t’i besonin.

Lexo edhe: Ja pse bie shpejt bateria e iPhone

Ndërkohë, rreth 75% e të anketuarve thanë se mbështesin përdorimin e AI për operacione policore dhe ushtarake, si njohja e fytyrës dhe të dhënat biometrike.

Kjo vjen pavarësisht rregullave strikte të të dhënave të Europës, duke përfshirë Rregulloren e Përgjithshme të Mbrojtjes së të Dhënave (GDPR), e cila rregullon përdorimin dhe ruajtjen e të dhënave të përdoruesit.

Megjithatë, për çështje të ndjeshme si vendimet e lirimit me kusht, rreth 64% e europianëve thanë se e kundërshtojnë AI.